Naar de inhoud
Reageren

Forte staras muroj de/da miljaroj

door Demian, 24 november 2012

Berichten: 7

Taal: Esperanto

Demian (Profiel tonen) 24 november 2012 17:27:40

Pardonu se la demando estas stulta. Mi estis aŭskultanta al La Espero neantaŭlonge kaj ekrimarkis ion strangan(?). Kial oni uzas 'de' en tiu frazo de la himno anstataŭ de 'da'?

darkweasel (Profiel tonen) 24 november 2012 18:28:37

Ĉu muroj estas iuspeca mezuro? demando.gif

sudanglo (Profiel tonen) 24 november 2012 18:57:01

Mi supozas ke estas same kiel mi estas Esperantisto de multaj jaroj (do, dum jaroj ĝis hodiaŭ). La 'de' karakterizas.

Demian (Profiel tonen) 25 november 2012 12:24:19

sudanglo:Mi supozas ke estas same kiel mi estas Esperantisto de multaj jaroj (do, dum jaroj ĝis hodiaŭ). La 'de' karakterizas.
Dankon! Mi komprenas!

* Mi havas dek jarojn.
* Mi estas dekjaraĝa.
* Mi havas dek da jaroj.
* Mi estas esperantisto de dek [da] jaroj.

sudanglo (Profiel tonen) 25 november 2012 13:18:01

Laŭ mi 'li estas Esperantisto de dek jaroj' ne signifus normale ke la koncerna persono estas dekjaraĝa sed ke li Esperantistiĝis antaŭ dek jaroj, do dum dek jaroj li estas Esperantisto.

Tamen 'mi vidis en la strato knabon de dek jaroj kun lia patrino' ja ŝajnas implici ke la knabo estis dekjaraĝa.

Tjeri (Profiel tonen) 25 november 2012 13:26:43

* Mi havas dek da jaroj.
Tio estas erara.
Mi havas dek jarojn, aŭ mi havas dekon da jaroj.

Demian (Profiel tonen) 25 november 2012 15:24:16

sudanglo:Laŭ mi 'li estas Esperantisto de dek jaroj' ne signifus normale ke la koncerna persono estas dekjaraĝa sed ke li Esperantistiĝis antaŭ dek jaroj, do dum dek jaroj li estas Esperantisto.
Dankon por klarigo. Sed la kvara frazo neniel ligas al la unuaj tri. Eble mia esprimmaniero kaŭzis konfuzon.

Tjeri:Tio estas erara.
Mi havas dek jarojn, aŭ mi havas dekon da jaroj.
Ege dankas vin por korekti!

Terug naar boven