Mergi la conținut
Răspunde

Amuzaj nomoj por la naciaj lingvoj

de baibaibibi, 26 martie 2014

Contribuții/Mesaje: 24

Limbă: Esperanto

baibaibibi (Arată profil) 26 martie 2014, 14:47:05

Ofte la lingvo estas la plej grava kaŭzo de kverelo kaj bataloj inter la homoj, parte el tio povus okazi ĉar la nomo de la lingvo aludas al la popolo kiu uzas ĝin, mi pensas ke la lingvoj estas iloj por komunikado kaj ne por sentiĝi fieraj aŭ superaj al aliaj. Kiel ludo, mi petas al vi helpon por ŝanĝi la nomon de la naciaj lingvoj, la nomoj povas esti amuzaj sed ne devus esti ofendaj, se iu proponata nomo ne estas taŭga, aliaj povas ĝin korekti.
Ekzemploj:

Japana: suna
Ĉina: draka
Rusa: ursa
Araba: luna
Hispana: taŭra
Lapona: glacia
...

Bv averti se iu el la ekzemploj estas ofenda

antoniomoya (Arată profil) 26 martie 2014, 17:58:09

Laŭ via elpenso, mi parolas denaske la taŭran lingvon. ridulo.gif
Ne malbone, mi konsentas.

Kiun nomon vi uzus por Esperanto?

Amike.

dobri (Arată profil) 26 martie 2014, 18:23:23

antoniomoya:
Kiun nomon vi uzus por Esperanto?
Artefarita, programita aŭ planita. Sed la nomoj tute ne estas amuzaj!

robbkvasnak (Arată profil) 26 martie 2014, 19:40:29

Esperanto: Amika!

dobri (Arată profil) 26 martie 2014, 19:49:43

robbkvasnak:Esperanto: Amika!
Jes, vi pravas!

baibaibibi (Arată profil) 26 martie 2014, 21:34:09

Esperanto: amika

Mi ankaŭ proponas:
Hindia: tigra
Angla: agla

Por esperanto ankaŭ plaĉas al mi"eksperimento"

robbkvasnak (Arată profil) 26 martie 2014, 21:50:11

Eble por iu kiu estas je baza nivelo kaj ne uzas ĝin ĉiutage hejme Esperanto estas eksperimento sed por mi kun mia edzo ĝi estas reala, ĉiutaga lingvo - lingvo de amikoj ĉar estas la lingvo de tiuj kiuj elektas lerni ĝin

baibaibibi (Arată profil) 26 martie 2014, 22:13:00

robbkvasnak:Eble por iu kiu estas je baza nivelo kaj ne uzas ĝin ĉiutage hejme Esperanto estas eksperimento sed por mi kun mia edzo ĝi estas reala, ĉiutaga lingvo - lingvo de amikoj ĉar estas la lingvo de tiuj kiuj elektas lerni ĝin
Kaj kion vi opinias pri "agla" por la angla? Kompreneble, devus esti senhare agla!

efilzeo (Arată profil) 26 martie 2014, 22:13:55

Kial ne ofendaj? Tiu estis la plej amuza parto malgajo.gif

Eltwish (Arată profil) 26 martie 2014, 23:13:46

robbkvasnak:Eble por iu kiu estas je baza nivelo kaj ne uzas ĝin ĉiutage hejme Esperanto estas eksperimento sed por mi kun mia edzo ĝi estas reala, ĉiutaga lingvo - lingvo de amikoj ĉar estas la lingvo de tiuj kiuj elektas lerni ĝin
Do ĝi estas sukcesa eksperimento, ĉu ne? Mi plene konsentas, ke Esperanto estas reala lingvo, kaj mi uzas ĝin tiamaniere, sed mi ankaŭ iel sentas min kiel partoprenanto en granda eksperimento, nome: parolata homa lingvo, kiu ne evoluis kune kun iu popolo aŭ kulturo jam pratempa, tamen kies erojn homa menso elpensis kaj aranĝis, kaj kies aretfaritan korpon ni, kvazaŭ dioj aŭ doktoro Frankenstein, spirigis viva. Kiel ĝi estos? Kiel ĝi similas, malsimilas al naturaj lingvoj? Kion ni lernos de ĝi, kaj kion ĝi nove ebligos, tiu ankoraŭ tre juna lingvo? Jen la eksperimento.

Rilate al la temo de la fadeno, la anglan eble mi nomus la kuniganta, kaj pro ĝia internacia uzo kaj pro ĝia vortprovizo de multegaj devenoj. Samkiale eblas la milvizaĝa.

Aŭ alie, ni povus nomi la lingvojn per iliaj plej konataj, parolante pri la ŝekspira, la servantesa, la dantea... ho, sed la nomo Goethe tute ne bone Esperantiĝas!

Înapoi mai sus