Stefano888:Erinja kaj Orthohawk,

Multe da la Ortodoksaj sacerdotoj, kun kiuj mi parolis dum la pasintaj dudek jaroj, diras ke protestantaj edziĝoj ne estas sakramente validaj. Ili estas, laŭ la vidpunkto de la Ortodoksa Eklezio, civilaj edziĝoj. Mia nevo estas Ortodoksa. Lia edzino estis protestanta. Ili geedziĝis unue en protestanta preĝejo. Tiel ke mia nevo povu ankoraŭ ricevi Komunion en la Ortodoksa Eklezio, ili postuliĝis geedziĝi denove en Ortodoksa preĝejo. Se mia nevo ne konsentus fari tion, li malakceptus Sakramenton de la Eklezio. Ili geedziĝis denove en nia Ortodoksa preĝejo. La sacerdoto nomas la protestantan edziĝon civila edziĝo.

Ni Ortodoksaj kristanoj ne diras ke protestantaj geedzoj ne geedziĝis. Ni diras ke iliaj edziĝoj ne estas sakramente validaj. Alivorte, ili ne spertis la Sakramenton de Edziĝo. Io spirita okazas dum la Sakramento por helpi ilin resti kune. La rilato inter Kristo kaj la Eklezio estas simbolata per la rilato inter viro kaj virino en edziĝo.

Laŭ la sakramenta teologio de la Ortodoksa Eklezio, tiu ĉi Sakramento nur povas okazi inter viro kaj virino. Ni ne devige akceptigas al la gejhomoj nian vivmanieron. Ili, same, ne devigu nin al la akceptado de gej-edziĝoj kiel sakramente validaj. Homoj konvertiĝas al nia religio el sia propra libervolo. Ili devas iĝi katekumenoj unue antaŭ ol ricevi la Sakramentojn en la Eklezio. La katekumentempo kutime daŭras unu jaron.

Multe da niaj sacerdotoj ankaŭ diras ke la protestantaj Sakramentoj ne estas validaj. Mi parolas pri iliaj baptoj, konfiramacioj, kaj komunioj. Plej el la protestantoj ne nomas edziĝon Sakramento.

Mi pensas ke tiu ĉi vidpunkto pri la protestantaj Sakramentoj estas bazita sur la teologio de la Sepa Konsilantaro de Kartago. Tiu regiona konsilantaro estis akceptita de la Sesa Tutmonda Konsilantaro ĉe la Konsilantaro de Trullo en 692 p.K. (Legu la Duan Kanonon.)

Amike,
Stefano