Kwa maudhui
Kujibu

Hezito pri prepozicio

ya Javi_Delgado, 4 Machi 2019

Ujumbe: 21

Lugha: Esperanto

Javi_Delgado (Wasifu wa mtumiaji) 4 Machi 2019 2:19:57 alasiri

En la frazo: "Mi volas ŝanĝi miajn dolarojn en eŭrojn", la prepozicio "en" estas korekta.

sergejm (Wasifu wa mtumiaji) 4 Machi 2019 5:06:36 alasiri

Estas korekta, sed mi preferus
"interŝanĝi dolarojn al/por/kontraŭ eŭroj"

StefKo (Wasifu wa mtumiaji) 4 Machi 2019 5:25:06 alasiri

Kaj JE: "Interŝanĝi dolarojn je eŭroj" aŭ breve: "Eŭrigi dolarojn"?

Metsis (Wasifu wa mtumiaji) 5 Machi 2019 10:57:45 asubuhi

Se vi serĉas en Tekstaro, la sola alternativo estas "ŝanĝi dolarojn kontraŭ eŭroj".

En ekzercoj de Duolingo oni uzas esprimon "ŝanĝi dolarojn en eŭrojn", kion mi ete miras. Unuflanke mi komprenas la esprimon kaj mi aŭtomatike uzus ĝin, sed aliflanke kelkaj asertas, ke "en" estas tre konkreta en E-o. Laŭ ĉi tiu interpreto oni ne povas diri ekz. "Kelkaj metaloj fluas en altaj temperaturoj" aŭ ne eĉ "ĉe altaj temperaturoj", ĉar oni ne povas esti ene en temperaturo, nur "je" taŭgas. Sekve oni ne povus diri "ŝanĝi en eŭrojn" aŭ kiel oni povas esti ene en mono?

sudanglo (Wasifu wa mtumiaji) 5 Machi 2019 3:48:38 alasiri

Ne hezitu!

Oni povas ŝangi Eŭrojn en Dolarojn, sed prefere oni tenu la ekvivalenton en oro.

StefKo (Wasifu wa mtumiaji) 5 Machi 2019 7:28:58 alasiri

Vortaro.net citas la frazon: interŝanĝi ĉapelon je ĉapo
Analogie: Interŝanĝi eŭrojn je dolaroj

En la pola oni ankaŭ uzas adekvatan prepozicion JE (na). Prepozicion EN (w) oni uzas pri ŝanĝo sorĉa, fizika, kemia, k.t.p., ekz. sorĉa ŝanĝo de plumbo en oron
Ŝanĝo de eŭroj en dolarojn signifus ian sorĉan ŝanĝon, tiel: sorĉvorto kaj eŭroj fariĝas dolaroj, kvankam hodiaŭ en interreta bankokonto... klik kaj eŭroj fariĝas dolaroj. Ankaŭ sorĉo!

sergejm (Wasifu wa mtumiaji) 5 Machi 2019 11:00:38 alasiri

En la rusa oni ankaŭ uzas на (na): менять рубли на доллары - ŝanĝi rublojn sur dolarojn kaj превращать рубли в доллары - transmutaciigi rublojn en dolarojn - sed la lastan oni povas fari sen magio, ekz. aĉeti ion per rubloj kaj vendi ĝin kontraŭ dolaroj.

nikhil (Wasifu wa mtumiaji) 6 Machi 2019 7:41:03 asubuhi

StefKo:Kaj JE: "Interŝanĝi dolarojn je eŭroj" aŭ breve: "Eŭrigi dolarojn"?
Tio bonas!

StefKo (Wasifu wa mtumiaji) 6 Machi 2019 8:09:44 asubuhi

sergejm:En la rusa oni ankaŭ uzas на (na): менять рубли на доллары - ŝanĝi rublojn sur dolarojn kaj превращать рубли в доллары - transmutaciigi rublojn en dolarojn - sed la lastan oni povas fari sen magio, ekz. aĉeti ion per rubloj kaj vendi ĝin kontraŭ dolaroj.
Pola na kaj certe la rusa на estas multesignifaj. Oni devas traduki ĝin diverse, depende de kunteksto kiel: sur, en, al, por, laŭ, je kaj adverbigante ian substantivon, ekz. na angielski - anglen, na boku - flanke k.t.p. Do, via traduko: менять рубли на доллары - ŝanĝi rublojn sur dolarojn ne estas ĝusta. Devas esti: je dolaroj

Ĉu ne?

amigueo (Wasifu wa mtumiaji) 6 Machi 2019 10:20:39 asubuhi

Javi_Delgado:En la frazo: "Mi volas ŝanĝi miajn dolarojn en eŭrojn", la prepozicio "en" estas korekta.
mi miras ke esperanto ne preferas alian pli precizan verbon ol na ŜANĜI.

transformi ion en ion alian = igi ion io (ho, kia koncizo!)

sen trovi precizan verbon por transformo inter moneroj:

igi dolarojn eŭroj aŭ eŭrigi dolarojn (koincide kun StefKo)
(tamen, oni povus eŭrigi dolarojn per magio aŭ ne ortodokse ekonomiaj metodoj)

ĉi ekomomiaj transformoj inspiras laŭvolan ŝparon de verboj AĈETI kaj VENDI:

mi aĉetis ĉevalon kontraŭ fortuneto = mi ĉevaligis fortuneton = mi igis fortuneton ĉevalon
mi vendis loĝejon kontraŭ milioneŭro = mi milioneŭrigis loĝejon = mi igis loĝejon milioneŭro

plu?
vendi ĉevalon? monigi ĉevalon.
aĉeti loĝejon kontraŭ milioneŭro? varigi milioneŭron.

vendi = monigi (ne ekzakta difino)
aĉeti = varigi (ne ekzakta difino)

varigi? ĉu var- estas la taŭga vort-?

Kurudi juu