Kwa maudhui
Kujibu

Ĉu estas legebla = legeblas?

ya Meŝig, 17 Desemba 2008

Ujumbe: 13

Lugha: Esperanto

Meŝig (Wasifu wa mtumiaji) 17 Desemba 2008 5:31:46 alasiri

Saluton al ĉiuj.

Ĉu, ekzemple, oni povas uzi la vorton "preneblas" anstataŭ "estas prenebla"?

Pli ĝenerale, ĉu "estas xxxebla"="xxxeblas"?

Matthieu (Wasifu wa mtumiaji) 17 Desemba 2008 5:59:03 alasiri

Miaopinie ĉi tio estas tute ĝusta.

Meŝig (Wasifu wa mtumiaji) 17 Desemba 2008 6:47:32 alasiri

Kaj ankoraŭ pli ĝenerale: ĉu "estas facila" = "facilas"?

danielcg (Wasifu wa mtumiaji) 18 Desemba 2008 2:34:56 asubuhi

Jes. La signifo estas sama. Alterna uzo de ambaŭ formoj plejeble plibonigos la stilon.

Amike,

Daniel

Meŝig:Saluton al ĉiuj.

Ĉu, ekzemple, oni povas uzi la vorton "preneblas" anstataŭ "estas prenebla"?

Pli ĝenerale, ĉu "estas xxxebla"="xxxeblas"?

RiotNrrd (Wasifu wa mtumiaji) 18 Desemba 2008 4:03:23 asubuhi

Estas + [radiko]a = [radiko]as.

Estas bela = belas.
Estas grava = gravas.

ktp.

Laŭ mi oni uzas tiun stilon plej bone kiam la adjektivo donas iometan senton de ago, kvankam tio ne necesas (ne estas necesa). Iam, la uzo de tiu stilo, kun iaj vortoj, ne sentos ĝusta. Tiukaze, estas plej bone uzi la pli grandan formon.

Rodrigoo (Wasifu wa mtumiaji) 18 Desemba 2008 6:14:30 alasiri

Sed kelkfoje povas esti alia senco. Rimarku:

* Ŝi eniris! Ŝi estas bela!

* Ŝi eniris! Ŝi belas!

Miopinie, dum la unua frazo diras ke ŝi estas bela (kiel ĉiuj aliaj belulinoj en la ejo), la dua frazo emfazas ke ekde ŝia eniro, ŝi estas la plej bela, kaj iu alia bela ino, nun estas nur eksbelulino, ĉar Ŝi belas, ĉu ne? senkulpa.gif

Sammondane,
Ĥod

RiotNrrd (Wasifu wa mtumiaji) 18 Desemba 2008 9:48:22 alasiri

Mi opinias ke ambaŭ ekzemploj signifas same.

mnlg (Wasifu wa mtumiaji) 19 Desemba 2008 12:08:15 asubuhi

RiotNrrd:Estas + [radiko]a = [radiko]as.
Kompreneble tio nur valoras kun adjektivaj radikoj. "mi estas martelo" kaj "mi martelas" tute ne samas.

RiotNrrd (Wasifu wa mtumiaji) 19 Desemba 2008 1:46:16 asubuhi

Kompreneble. La "a" estas en la ekvacio ([radiko]a). Vi pravas ke tio ne funkcias kun substantivoj.

Hispanio (Wasifu wa mtumiaji) 19 Desemba 2008 2:12:28 asubuhi

Mi havas demandon rilate al ĉi tio:

Ĉu oni, anstataŭ "tio estis legebla", povas diri "tio legeblis"? Kaj ĉu okazas la samo kun "tio estos legebla" kaj "tio estus legebla"?

Mi kredas jes, sed mi ne volas erari. Pro tio mi demandas tion.

Dankon.

Kurudi juu