Til indholdet
Svare

Libera programaro kaj Esperanto

af victornino, 3. jan. 2009

Meddelelser: 21

Sprog: Esperanto

victornino (Vise profilen) 3. jan. 2009 23.02.18

Ĉu vi pensas ke la Libera-programara movado estas facile komprenebla por la plimulta esperantistoj?. Ambaŭ estas vojoj por sukcesi liberon, ĉu ne?

nshepperd (Vise profilen) 4. jan. 2009 02.46.17

Mi sentas ke la demokratiaj ideoj de la Esperanta movado tute akordas kun tiuj de libera programaro. Ili ambaŭ havas gravajn ideojn de monda komunumo, anstataŭ "superuloj" kaj "subuloj".

Maniere de parolado... rideto.gif

EDITO: ah.. por certigi ni parolas pri la samtemo: http://eo.wikipedia.org/wiki/Libera_programaro.

Rogir (Vise profilen) 4. jan. 2009 13.24.00

La lingvo mem estas libera, ĉar Zamenhof maldeklaris ĉiujn siajn intelektajn rajtojn je ĝi! Do almenaŭ unu Esperantisto kredis je libera scio.

tomasoavro (Vise profilen) 4. jan. 2009 13.54.47

victornino:Ĉu vi pensas ke la Libera-programara movado estas facile komprenebla por la plimulta esperantistoj?
Eble, sed por kio? Estonteco ja apartenas al "Malfermita kodo".

horsto (Vise profilen) 4. jan. 2009 21.12.44

mouaii:
Tamen, (bedaŭrinde) ankoraŭ ne ekzistas traduko Esperanta por tiu.
Ĉu vi certas pri tio? Almenaŭ la KDE-sistemo havas Esperantan tradukon, kiu eble ne estas kompleta, sed ĉiu povas helpi plibonigi ĝin.

diogotux (Vise profilen) 4. jan. 2009 22.46.09

mouaii,

ubuntu 8 LTS havas kompletan esperantan GNOMEan tradukon. Bedaŭrinde openoffice ankoraŭ ne estis tradukita.

Laŭ mi libera programaro akordas kun Esperanto... Sed ambaŭ movadoj bezonas volontulajn fortojn...

kfa (Vise profilen) 5. jan. 2009 08.27.16

mouaii:Ĉu Esperanto ne estas la linukso de la lingvoj?
Ĉu Linukso havas netuŝeblan koron?

Mi ne kredas ke la komparo vere bone taŭgas. Linukso estas senkosta alternativo inter la komerca operaciumaro. Ĝi estas konkuranto, ne ligilo, faciligilo, aŭ ponto inter ili kiel Esperanto inter la lingvoj. Eble oni povus ekhavi la ideon kompari Vindozon al angla lingvo, sin perfortante al la tuta mondo, sed miaopinie tia pensmaniero ne atingas prosperigi pacon kaj akordiĝon.

nikko (Vise profilen) 5. jan. 2009 09.00.45

GNU/Linuх
GNU/Hurd
GNU/Esperanto

rideto.gif

Jes, Esperanto etose similas al GNU'a movado. Volontuloj, senkopirajteco, liberemeco.

Inter esperantitoj, enrete de mi konataj, estas pli da Linuksanoj ol inter ĉiuj aliaj homoj.

Kaj ankaŭ linukso tre oportunas por esperanto, ĉar eblas libere ĝin esperantigi sen atendi ordonon de korporacio. Ankaŭ en linuksoj oni povas facile agordi esperantan klavararanĝon aŭ esperantigi fasadon(interfacon).

Ne serĉu precizan akordon inter linukso kaj Esperanto, ĝi estas sur nivelo de movado, ideoj.

Linusko - nenies operaciumo, sed tamen ĉies
Esperanto - nenies lingvo por ĉiuj

nikko (Vise profilen) 5. jan. 2009 09.05.49

Ekzistas ja:

geja esperanta asocio
katolika esperanta asocio
ateista esperanta asocio
spiritisma esperanta asocio

ili ĉiuj pensas ke Esperanto akordas kun iliaj asocioj ridulo.gif Kial linuksanoj ankaŭ ne ekpensu tion?

Linuksana esperanta asocio - sonas tute perspektive.

sergejm (Vise profilen) 5. jan. 2009 09.30.29

Kompatinde, GNUa permesilo estas skribita angle kaj en siaj unuaj linioj malpermesas traduki sin en aliajn lingvojn.

Tilbage til start