Přejít k obsahu
Odpovědět

Enigmo por la semajnfino: diplomatia divido

od uživatele Miland ze dne 16. ledna 2009

Příspěvky: 20

Jazyk: Esperanto

Miland (Ukázat profil) 16. ledna 2009 19:20:35

Jano kaj Janjo ĵus geedziĝis, kaj ambaŭ estas dungitaj. Do, ili konsentas dividi liston de dek hejmlabortaskoj inter si. Unue, Jano faras dividon, sed Janjo plendas ke ŝi ricevis ĉiujn nedezirindajn taskojn. Due, Janjo faras dividon, sed Jano ne konsentas. Ve, ili preskaŭ kverelas! Bonŝance ili decidas inviti la patrinon de Janjo, Anjo, kiu loĝas proksime, por diskuti la problemon. Anjo faras tre simplan proponon, kiu tamen estas tiel saĝa kaj la paro tuj konsentas - kaj do, ni esperu, ili kunvivas feliĉe ekde tiam! Kio estas la propono?

Verda stelo por la unua ĝusta solvo!

Rogir (Ukázat profil) 16. ledna 2009 22:05:13

Ili dungu iun por fari iliajn hejmtaskojn.

Miland (Ukázat profil) 16. ledna 2009 22:22:37

Rogir:Ili dungu iun por fari iliajn hejmtaskojn.
Ne malbona ideo. Ne la solvo, kion Anjo proponis, efektive, tamen, se ili havis sufiĉe da mono, estus bona ideo.

Filanator (Ukázat profil) 17. ledna 2009 0:43:38

Anjo proponis ke ŝi mem faru la taskojn pro amo de sia filino kaj ŝia edzo.

Miland (Ukázat profil) 17. ledna 2009 10:16:52

Filanator:Anjo proponis ke ŝi mem faru la taskojn pro amo de sia filino kaj ŝia edzo.
Eble ŝi pretos helpi post kiam alvenos infanoj, sed ne ĵus nun. Tamen, ne malbona ideo.

rosto (Ukázat profil) 17. ledna 2009 11:07:12

Ĉu eble ili prenu po unu hejmlabortasko el la listo laŭvice? Janjo prenas unun hejmlabortaskon el la listo, kiun ŝi volas, poste Jano prenas unun, poste denove Janjo elektas unun, k.t.p. ĝis fino de la listo.

Rao (Ukázat profil) 17. ledna 2009 11:42:22

En unu semajno laboru nur unu homo, en la alia semajno laboru la alia homo, kaj tiel plu

Miland (Ukázat profil) 17. ledna 2009 14:29:58

rosto:Ĉu eble ili prenu po unu hejmlabortasko el la listo laŭvice...
Ne malbona, sed restas la problemo de la unua asigno aŭ elekto. La solvo de Anjo estas psikologie eĉ pli eleganta.

Miland (Ukázat profil) 17. ledna 2009 14:32:02

Rao:En unu semajno laboru nur unu homo, en la alia semajno laboru la alia homo, kaj tiel plu
Estas la danĝero, ke ĉiam unu de la paro estos malbonhumora pro tro da laboro!

horsto (Ukázat profil) 18. ledna 2009 12:40:31

Mi miras ke vi ne parolis pri la edzo de Anjo. Ĉu eble Anjo estas eksedzino kaj do ŝia simpla propono ne tiom taŭgas?
Mi supozas ke Anjo proponis ke ĉiu el la paro alterne devas decidi kion la alia faru.

Zpět na začátek