Kiel nomi lingvojn?
ca, kivuye
Ubutumwa 8
ururimi: Esperanto
Hertz (Kwerekana umwidondoro) 29 Ruheshi 2010 12:19:30
Ĉu ili ambaŭ estas korektaj?
(Se mi faris kelka(j)n gramatikeraro(j)n bv. rimarkigi ilin al mi)
Ironchef (Kwerekana umwidondoro) 29 Ruheshi 2010 13:34:01
Hertz:Mi pensis ke la unika maniero por nomi lingvojn korekte estis "la xxx-a lingvo" (kompreneble mallongigebla kiel "la xxx-a"), sed mi vidis altnivelan esperantiston kiu nomas ilin kiel "xxx-o"Laŭ mia kompreno; ulo kiu devenis el lando estas la xxx-o (Anglo el Anglio) kaj la lingvo estas uzita en adjektiva senco: xxx-a (Mi estas anglo kaj mi parolas la anglan lingvon).
Ĉu ili ambaŭ estas korektaj?
(Se mi faris kelka(j)n gramatikeraro(j)n bv. rimarkigi ilin al mi)
Se mi vidus "Mi parolas la francon" mi tuj pensus ke eble li intencas ke li parolas en maniero de franco. Ĉu ne?
darkweasel (Kwerekana umwidondoro) 29 Ruheshi 2010 14:31:04
Iuj finiĝas per A-finaĵo, kaj la O-formo montras aŭ popolanon (franco) aŭ landon (Nederlando). Tiam oni uzu la antaŭ la nomo, ĉar ekzemple la franca estas mallongigita formo de la franca lingvo.
Aliaj - ekzemple preskaŭ ĉiuj planlingvoj - finiĝas per O-finaĵo: Latino, Esperanto, Ido, Sanskrito. Ilin oni uzu sen la. Tamen oni povus (teorie - normale oni ne faras tion) uzi ilin ankaŭ kvazaŭ ili estus adjektivaj, kaj do paroli pri la latina, la esperanta, la ida kaj la sanskrita.
Neniam ĝustas uzi franco en la signifo de la franca lingvo. Franco estas homo, ne lingvo.
pohli (Kwerekana umwidondoro) 29 Ruheshi 2010 14:46:31
darkweasel:... Latino ...Ofte oni trovas ankaŭ "la latina", kaj mi ĉiam pensis, ke tio estas ĝusta. Sed ĉar ne ekzistas "Latinujo" kiel ekzistas "Francujo", la lingvo ne nomiĝas "la latina" sed Latino. Do oni povus diri, ke lingvoj sen propra lando ricevas la O-finaĵon.
Hertz (Kwerekana umwidondoro) 30 Ruheshi 2010 21:07:30
pohli:Do oni povus diri, ke lingvoj sen propra lando ricevas la O-finaĵon.Tio ne estas absoluta, mi pensas ke la ĝusta nomo de Esperanto estas internacia lingvo (internacilingvo, la internacia...), sed ĉiel ĉiuj konas la historion pri la nomo "Esperanto".
Aliflanke Ido, ktp ricevas la o-finaĵo ĉar estas "post-esperantaj" (?) lingvoj
Almenaŭ tio mi pensas...
Iel ajn dankon al ĉiuj por via helpo!
Koracio (Kwerekana umwidondoro) 10 Mukakaro 2010 16:33:55
Psittakos (Kwerekana umwidondoro) 10 Mukakaro 2010 18:21:34
la hispanlingvo, la angllingvo, la arablingvo...
Tio ĉi estas problemo de Esperanto: estas multaj manieroj de diri la samaj aĵoj, kaj nenio estas pli oficiala ol la alioj.
darkweasel (Kwerekana umwidondoro) 20 Mukakaro 2010 08:36:32
pohli:Ĝi ja estas ĝusta, sed Latino estas pli mallonga kaj mi preferas do uzi tiun formon. Sed se vi opinias la latina pli oportuna, uzu ĝin, ĝi ne estas erara.
Ofte oni trovas ankaŭ "la latina", kaj mi ĉiam pensis, ke tio estas ĝusta.
Oni ne povas diri, ke A-finaĵa lingvo ĉiam havas landon. Ekzemple la kurdoj, kiuj parolas la kurdan lingvon, ne havas propran landon.