Messages: 29
Language: Esperanto
Terurĉjo (User's profile) February 8, 2011, 6:36:09 PM
ekzemploj:
la kanto trafis en tuteŭropan dudekon da la plej bonaj kantoj.
la kanto trafis en dudek plej bonajn tuteŭropajn kantojn.
crescence (User's profile) February 8, 2011, 6:41:30 PM
Unu escepto krome pri la lingvo sen esceptoj... bedaŭrinde !
![malgajo.gif](/images/smileys/malgajo.gif)
Terurĉjo (User's profile) February 8, 2011, 7:07:53 PM
dekoj povas esti kunmetitaj, ĉar ekzistas nur ok tiaj nomoj kaj ili estas simplaj: dudek, tridek...naŭdek.
same pri centoj:ducent, tricent, ...naŭcent.
sed miloj kaj milionoj uziĝas kun komplikaj nombroj de DU ĝis NAŬCENT NAŬDEK NAŬ.
mi legis, ke ie oni kalkulas per centoj, do, tiukaze oni povas kalkuli tiele: dudek tri cent, okdek ok cent.
darkweasel (User's profile) February 8, 2011, 7:26:01 PM
crescence:Ne povas esti escepto, kie ne estas regulo.
Unu escepto krome pri la lingvo sen esceptoj... bedaŭrinde !
Terurĉjo (User's profile) February 8, 2011, 7:44:04 PM
§14
Mi havas cent pomojn. ― Mi havas centon da pomoj. ― Tiu ĉi urbo havas milionon da loĝantoj. ― Mi aĉetis dekduon (aŭ dek-duon) da kuleroj kaj du dekduojn da forkoj.
Do, oni povas konkludi: milion estas nombro, ĝia nomo estas miliono.
darkweasel (User's profile) February 8, 2011, 8:13:02 PM
Terurĉjo:Miskonkludo, ĉar *milion ne ekzistas. MILION/ estas finaĵbezona radiko.
Do, oni povas konkludi: milion estas nombro, ĝia nomo estas miliono.
Terurĉjo (User's profile) February 8, 2011, 8:30:53 PM
darkweasel:tiukaze ni efektive trovis escepton el la fundamentaj reguloj.Terurĉjo:Miskonkludo, ĉar *milion ne ekzistas. MILION/ estas finaĵbezona radiko.
Do, oni povas konkludi: milion estas nombro, ĝia nomo estas miliono.
post nombroj oni ne uzas la artikolon "da".
en vilaĝo loĝas tri mil homojn.
en urbo loĝas tri milionoj da homoj.
kio estas miliono, ĉu nombro aŭ ĝia nomo?
se ĝi estas la nomo, kiu estas nombro?
aŭ ĉu en Esperanto ne ekzistas nombroj post 999 999?
Chainy (User's profile) February 8, 2011, 8:35:38 PM
Terurĉjo:Do, oni povas konkludi: milion estas nombro, ĝia nomo estas miliono.Kiel vi diris, Terurĉjo, PMEG estas bona loko por helpi nin kompreni Esperantan gramatikon. Kaj tie S-ro Wennergren skribas pri Miliono (vidu la malgrandan tekston en la malsupra parto de la paĝo)
Mi konsentas kun vi, ke la la vortojn 'deko', 'cento' kaj 'milo' oni povas rigardi kiel la 'nomoj', kiel vi diris. Kaj la nombroj estas 'dek', 'cent', 'mil'.
Sed en la kazo de 'miliono', ĝi estas kaj la nombro kaj la nomo! Ne eblas diri simple 'milion' (sen la o-finaĵo). Nu bone, vi eble solvas unu problemon, sed tiam vi kreas novan problemon - kiel oni prononcu tiun vorton? (Ĉu milIon?) Denove, S-ro Wennergren bone skribas pri tio en tiu supre menciita paĝo. Oni do diras 'du milionoJ' ktp.
Mi dirus, ke ne estas iu 'escepto' ĉi-teme. Antaŭ 'dek' aŭ 'cent' povas aperi nur 2 ĝis 9. Do, eblas skribi ilin kunmetitaj kaj ĉiuj eblaj variantoj aspektas legeblaj
cent
ducent
tricent
kvarcent
kvincent
sescent
sepcent
okcent
naŭcent
Sed antaŭ 'mil' povas aperi multe pli multaj eblaj variantoj, ne nur de 2 ĝis 9, sed de 2 ĝis 999! Do, se oni skribus ĉiujn ilin kunmetitaj, oni havus tre longajn vortojn:
999.000 - se malĝuste skribita ĝi estus "naŭcentnaŭdeknaŭmil" (tre malfacile legebla!) Sekve, oni skribus tian nombron tiel:
"Naŭcent naŭdek naŭ mil". Nun, ĝi estas pli facile legebla.
Sed, finfine, estas kompreneble plej facile simple skribi per ciferoj!
![ridulo.gif](/images/smileys/ridulo.gif)
Terurĉjo (User's profile) February 8, 2011, 8:53:48 PM
kiam mi diras, mi ne skribas
mi elreviĝas, malĝojas kaj ĉesas plu okupiĝi pri E-o
Chainy (User's profile) February 8, 2011, 9:16:29 PM
Terurĉjo:klarigoj de s-ro Wennergren estas malfundamentajĈu vi ne iom troigas?! Kion vi volas, perfektecon?
kiam mi diras, mi ne skribas
mi elreviĝas, malĝojas kaj ĉesas plu okupiĝi pri E-o
La altaj nombrovortoj kun O-finaĵoj (miliono, miliardo ktp) ja estas iom aliaj ol la nombroj 1-999,999. Sed la vortoj sonas tre internaciaj. Aliaj proponoj laŭ PMEG estis prononci ilin 'milion' aŭ skribi 'miljon' (prononcata 'miljon'). Sed mi pensas, ke la plej multaj homoj preferus la tradiciajn formojn de 'miliono' ktp - ili estas pli similaj al tio, kiel oni prononcas ilin en multaj lingvoj de la mondo. Do, eble ni akceptu Esperanton ankaŭ kun ĝiaj malgrandaj neperfektaĵoj, ĉu ne?
![ridulo.gif](/images/smileys/ridulo.gif)