Mergi la conținut
Răspunde

'La' sen O-vorto

de zan, 27 martie 2012

Contribuții/Mesaje: 34

Limbă: Esperanto

zan (Arată profil) 27 martie 2012, 10:56:17

La uzo de 'la' sen O-vorto estas erara, ĉu ne?

Vidu la viron.
Vidu tiun.
*Vidu la.

Uralo (Arată profil) 27 martie 2012, 11:16:22

Jes, tio estas erara. Ĉar 'la' estas artikolo, kaj post ĝi estu ĉiam O-vorto.

zan (Arată profil) 27 martie 2012, 11:24:17

Sekve mi pensas, ke "ĝis la" estas erara.

sudanglo (Arată profil) 27 martie 2012, 11:29:10

Tre sprite, Zan

darkweasel (Arată profil) 27 martie 2012, 11:36:39

zan:Sekve mi pensas, ke "ĝis la" estas erara.
Strikte jes.

TatuLe (Arată profil) 27 martie 2012, 11:42:38

Ankaŭ nura Ĝis! havas la saman "problemon", ĉu ne? Prepozicion, strikte, devus sekvi io.

Parolo ne ĉiam konsistas el kompletaj frazoj.

antoniomoya (Arată profil) 27 martie 2012, 12:21:49

Neniam mi akordis kun esprimoj kiel "ĝis" aŭ "ĝis la".
"Ĝis"... kio, aŭ "ĝis la"... kio??

Ŝajnas ke kelkaj emas esti mallongvortuloj. demando.gif
Mi ŝatas kaj preferas kompletajn esperantajn frazojn.
Dankon al Zan pro sia spriteco.

Ĝis la venonta fojo.
Amike.

zan (Arată profil) 27 martie 2012, 12:36:32

TatuLe:Ankaŭ nura Ĝis! havas la saman "problemon", ĉu ne? Prepozicion, strikte, devus sekvi io.
Ĝis estas ankaŭ fraz-ligilo. Laŭ PMEG: Ĝis enkondukas subfrazon.
Estas malpli nature forlasi O-vorton post la, ol forlasi sabfrazon post enkondukilo.
"Ni estu bonaj, ĝis......(ĝis ni denove renkontiĝos)"

tommjames (Arată profil) 27 martie 2012, 12:40:07

Ĉu ĉio ĉi eĉ iel ajn gravas? La esprimoj "ĝis" kaj "ĝis la" estas partoj de la lingvo, sekve estas pedante nomi ilin eraraj.

sudanglo (Arată profil) 28 martie 2012, 09:15:51

La diskombabulaĵo alvenis frue. La kio, alvenis frue?

Ne protestu, ke 'kio' ne estas o-vorto. Ĝi ja finiĝas per 'o'.

Cetere, ĉu ne 'o-vorto' estas iu speco de infaneca parolo. Plenkreskuloj diras 'substantivo'.

Înapoi mai sus