K vsebini
Odgovori

"Finnlando" kun du "n"-oj?

od guyjohnston, 31. oktober 2007

Sporočila: 15

Jezik: Esperanto

guyjohnston (Prikaži profil) 31. oktober 2007 18:25:20

Saluton, ĉu iu povas sciigi al mi kial oni skribas "Finnlando" tiel, kun du "n"-oj? Mi pensis ke Esperanto devus ne havi literumajn malregulecojn.

Araneo (Prikaži profil) 31. oktober 2007 19:15:22

guyjohnston:Saluton, ĉu iu povas sciigi al mi kial oni skribas "Finnlando" tiel, kun du "n"-oj? Mi pensis ke Esperanto devus ne havi literumajn malregulecojn.
Saluton!
Ĉar estas la finna lingvo, la lando estas Finnlando. Ekzistas la vorto 'fina', do tute alia ol finna!
Amikece,
Araneo

Sxak (Prikaži profil) 01. november 2007 14:17:34

guyjohnston:Saluton, ĉu iu povas sciigi al mi kial oni skribas "Finnlando" tiel, kun du "n"-oj? Mi pensis ke Esperanto devus ne havi literumajn malregulecojn.
Pi kiu malreguleco temas? Montru al mi regulon, malpermesantan 2 apudajn n-ojn! Ekzistas ŝajne eĉ centoj da esperantaj radikoj kun duoblaj samaj literoj...

Rao (Prikaži profil) 01. november 2007 16:16:14

"nnl" estas teruraĵo! Mi uzas la radikon "suom" (suoma lingvo, suomo, suomio).

Espi (Prikaži profil) 01. november 2007 17:17:10

Rao:"nnl" estas teruraĵo! Mi uzas la radikon "suom" (suoma lingvo, suomo, suomio).
Saluton!

Jes, mi ankaŭ uzas SUOM-radikon.
Mi eĉ kredas, ke tiu estas pli finna... okulumo.gif

Multajn salutojn

guyjohnston (Prikaži profil) 01. november 2007 21:50:46

Ŝak:
guyjohnston:Saluton, ĉu iu povas sciigi al mi kial oni skribas "Finnlando" tiel, kun du "n"-oj? Mi pensis ke Esperanto devus ne havi literumajn malregulecojn.
Pi kiu malreguleco temas? Montru al mi regulon, malpermesantan 2 apudajn n-ojn! Ekzistas ŝajne eĉ centoj da esperantaj radikoj kun duoblaj samaj literoj...
Mi volis diri ke normale en Esperanto oni ĉiam scias kiel skribi vorton kiun oni aŭdas, ĉar estas unu-al-unu rilato inter literoj kaj sonoj. Sed kun "finno/finna" oni ne scias ĉu la persono diris "finno/finna" aŭ "fino/fina". Ĉiuj la aliaj fojoj ke mi vidis du samajn konsonantoj apud si, estis pro meti du vortojn kunaj, ekzemple "rettaglibro". Mi pensas ke mi ankaŭ uzos la radikon "suom" por eviti tion.

Rao (Prikaži profil) 02. november 2007 01:26:16

Fons Lacrimarum:Same kun "rettaglibro" oni ne parolas [retaglibro] sed [ret-taglibro] (simile kiel tion estus du vortoj).
Min malhelpas ne nur la duobla N, sed la kunapuda L! Se la tradicia formo estus ekzemple Finnujo, elparoli ĝin estus multe pli facile. ridulo.gif Ajne, jen aliaj vortoj malfacilaj kiel rettaglibro: budĝeto, matĉo.

yugary (Prikaži profil) 02. november 2007 04:37:34

Mi iam renkontis usonano kiu plendis pri la malfacileco elparoli duoblajn konsonantojn kiel la -nn- en "finno", la "-tĉ-" en "matĉo", ktp. Kiam mi atentigis lin pri la ekzisto de duoblaj konsonantoj en la angla (ekzemple, la -nn- en "unnatural" kaj la -kk- en "bookkeeping"), li iom pripensis tion kaj finfine agnoskis ke eĉ anglalingvanoj ja povas prononci tiajn duoblaĵojn. Kompreneble, duoblaj konsonantoj estas pli facile elparoleblaj por tiuj kies nacilingvo enhavas multajn--ekzemple, la italoj, la maltoj, la koreoj, la japanoj, kaj la finnoj (Pardonu min! Mi volas diri "la suomoj")--sed parolantoj de aliaj lingvoj ne senkuraĝiĝu! Lerni klare elparoli tiajn duoblajn konsonantojn postulas nur iomete da sinekzercado, kaj vere indas la peno.

Gary Yu

guyjohnston (Prikaži profil) 03. november 2007 02:16:38

Rao:
Fons Lacrimarum:Same kun "rettaglibro" oni ne parolas [retaglibro] sed [ret-taglibro] (simile kiel tion estus du vortoj).
Min malhelpas ne nur la duobla N, sed la kunapuda L! Se la tradicia formo estus ekzemple Finnujo, elparoli ĝin estus multe pli facile. ridulo.gif Ajne, jen aliaj vortoj malfacilaj kiel rettaglibro: budĝeto, matĉo.
Jes, mi supozas ke ne estas tro malfacile diri "finno/finna" kiel "fin-no/fin-na", sed mi trovis diri "Fin-nlando" pli malfacile. Ĉu oni povas diri "Finnio"?

Rao (Prikaži profil) 04. november 2007 03:16:35

guyjohnston:Ĉu oni povas diri "Finnio"?
Jes!

Nazaj na začetek