Al la enhavo
Respondi

Kial "vortaro" ne estas frazo?

de Rejsi, 2013-decembro-09

Mesaĝoj: 12

Lingvo: Esperanto

Rejsi (Montri la profilon) 2013-decembro-09 21:38:03

Mi neniam komprenis tion. Ŝajnas, ke ĉiam estas strangaj aferoj en Esperanto.

novatago (Montri la profilon) 2013-decembro-09 22:00:39

Rejsi:Mi neniam komprenis tion. Ŝajnas, ke ĉiam estas strangaj aferoj en Esperanto.
Jes ja, mi ĉiam trovas tute nomalajn aferojn en la angla, en la hispana, en la franca, en la germana, en la nederlanda… XD.

Ĝis, Novatago.

michaleo (Montri la profilon) 2013-decembro-09 22:27:56

Pro la sama kialo, kiel словарь en la rusa.

Nile (Montri la profilon) 2013-decembro-10 02:27:10

Mi ne komprenas. "Vortaro" estas vorto, ne frazo.

kaŝperanto (Montri la profilon) 2013-decembro-10 07:04:45

Kio? "Vortaro" estas ĝusta vorto laŭdirite...kaj frazojn ĝenerale bezonas subjekton, verbon, kaj rektan objekton...

Kion vi demandas?

Aubright (Montri la profilon) 2013-decembro-10 07:23:05

Mi pensas, ke la demando temas pri la koncepto, ke la vorto "vortaro" (aro de vortoj) ne signifas "frazo", kiu ankaŭ estas aro de vortoj. Sed eble mi eraras.

fajrkapo (Montri la profilon) 2013-decembro-10 09:02:41

Aubright:Mi pensas, ke la demando temas pri la koncepto, ke la vorto "vortaro" (aro de vortoj) ne signifas "frazo", kiu ankaŭ estas aro de vortoj. Sed eble mi eraras.
Jes, temas pri tio. kial ne vortaro estas dikcionario aŭ simile ,kaj kial ne frazo egalas al vortaro.

Multfoje, frazo estas nur unu vorto. ekzemple :
frazo 1:
Ĉu vi ŝatas Esperanton?
Frazo 2:
Jes!!

(la vortaro ĉiam enhavas centojn kaj milojn da vortoj)

Tjeri (Montri la profilon) 2013-decembro-10 09:18:40

Kunmetitaj vortoj havas sian propran difinon, kiu ne limiĝas je la difino de siaj kunmetitaĵoj.
Vortaro estas libro en kiu oni arigis vortojn, kaj trinkujo ne estas glaso, nek rideto eta rido, nek fingroj fajfilo.

riccipa (Montri la profilon) 2013-decembro-10 09:26:46

Korekte diras Aubright, sed oni devas iri al profundaĵo. "Vortaro" kaj "frazo" estas aroj de vortoj sed ili estas malsamaj aroj. La unua aro enhavi la dua, kaj la dua ne enhavi la unua. Krome "vortaro" estas aro sen ordo aŭ kun alfabeta ordo, dume "frazo" estas aro kun ordo determinita de la gramatika reguloj.

sudanglo (Montri la profilon) 2013-decembro-10 13:02:51

Do la demando estas kial vortaro ne signifas ankaŭ frazo.

Por la sama kialo, ke kelkaj arboj kune ne estas arbaro, kaj tri homoj kune ne estas la homaro. Ar-vortoj kutime referencas tuton, sed tiu tuto ne-necese ampleksas ĉiujn kiuj ekzistas.

Tiel arabaro ne ampleksas ĉiujn arbojn de la planedo sed kolekto kun certa kohereco por kiu oni sentas la neceson de etikedo. Alifllanke la homaro ampleksas ĉiujn homojn kaj la Zamenhofa verkaro amplekas ĉiujn liajn verkojn

Estas neniu kadro en kiu la vortoj de frazo estus tuto.

Reen al la supro