Mergi la conținut
Răspunde

"Bonvolu klaki sur la butono(n)"

de m_v, 14 mai 2014

Contribuții/Mesaje: 29

Limbă: Esperanto

m_v (Arată profil) 14 mai 2014, 18:34:12

Saluton al ĉiuj,

kiu de tiuj du variantoj estas ĝusta?

"Bonvolu klaki sur la butono." aŭ "Bonvolu klaki sur la butonon."

nornen (Arată profil) 14 mai 2014, 19:15:49

Ankaŭ mi uzus simplan akuzativon. Bv klaki butonon.

Oijos (Arată profil) 15 mai 2014, 01:19:50

Ĉu ne dev-uzatas klaku?

Ĉu la klakado estas nur laŭvola opcio aŭ ĉu estas volata ke la klakado okazu?

Urho (Arată profil) 15 mai 2014, 04:19:31

m_v:kiu de tiuj du variantoj estas ĝusta?

"Bonvolu klaki sur la butono." aŭ "Bonvolu klaki sur la butonon."
Miakomprene, jenaj frazoj estas eblaj:
  • Bonvolu klaki sur la butono…
  • Bv. alklaki la butonon…
Bonvolu noti, ke la verbo ”klaki” estas netransitiva kaj la verbo ”alklaki” transitiva.

pne (Arată profil) 15 mai 2014, 04:19:54

Oijos:Ĉu ne dev-uzatas klaku?
Aŭ "bonvolu klaki" aŭ "bonvole klaku". Sed "bonvolu klaku" ne eblas.

HaleBopp (Arată profil) 15 mai 2014, 10:45:30

Ambaŭ eblas, kun aŭ sen N-finaĵo, ĉar la mova ideo estas malforta.
PMEG : En esprimoj kiel skribi ion sur papero, noti ion en libro k.s. la ideo de movado estas tre malforta, kaj oni normale ne uzu direktan N-finaĵon. Sed se oni volas emfaze esprimi tian direktan nuancon, oni ja povas uzi N.

yyaann (Arată profil) 15 mai 2014, 11:55:40

HaleBopp:Ambaŭ eblas, kun aŭ sen N-finaĵo, ĉar la mova ideo estas malforta.
PMEG : En esprimoj kiel skribi ion sur papero, noti ion en libro k.s. la ideo de movado estas tre malforta, kaj oni normale ne uzu direktan N-finaĵon. Sed se oni volas emfaze esprimi tian direktan nuancon, oni ja povas uzi N.
Interese. Mi ĝis nun ĉiam uzis la movo-montran N-finaĵon, sed mi nun komprenas, ke tio povas esti trokorekteco kelk-kuntekste.

m_v (Arată profil) 15 mai 2014, 12:01:03

Multan dankon por viaj respondoj!

HaleBopp (Arată profil) 15 mai 2014, 20:42:19

Terurĉjo:malpli ofte legu kaj citu Pomegon

oni klakas ne ion sur la butono, ne desegnon de birdo aŭ fiŝo, kiu povas troviĝi sur la butono, ne ian literon aŭ skribaĵon supre de la butono, sed oni klakas senpere la butonon mem aŭ klakas sur la butonon.
Mi ne konsentas. Se vi preferas mi povas citi la Retan Vortaron:
"klaki sur ligilo por elekti TTT-paĝon."
"Klaki ĉe iu ekrana objekto por aktivigi ĝin"
Ne akuzativo, kiel vi povas vidi.

Oijos (Arată profil) 15 mai 2014, 23:05:33

pne:
Oijos:Ĉu ne dev-uzatas klaku?
Aŭ "bonvolu klaki" aŭ "bonvole klaku". Sed "bonvolu klaku" ne eblas.
Jes. Mi preteratentis la antaŭan vorton.

Înapoi mai sus