Saluton al ĉiuj,

ĉu oni povas ellasi “tia” en ĉi tiu okazo?

Restu ĉiam (tia), kia ĝi estas.

Mi pensas, ke jes, sed mi ne certas, ĉar PMEG nur montras ekzemplojn, en kiuj “tia” ne estas sola kaj rilatas al substantivo.

Jes, oni povas. Restu ĉiam, kia vi estas. aŭ, Ĝi restu ĉiam, kia ĝi estas.

Relegu la retpaĝon, kiun vi donis.
-> "Plej ofte oni konservas tia, sed se la frazo restas klara, oni povas ĝin ellasi.".

HaleBopp:Jes, oni povas. Restu ĉiam, kia vi estas. aŭ, Ĝi restu ĉiam, kia ĝi estas.

Relegu la retpaĝon, kiun vi donis.
-> "Plej ofte oni konservas tia, sed se la frazo restas klara, oni povas ĝin ellasi.".

Mi ja legis la retpaĝon, sed mi ne certis, ĉar en PMEG s-ro Wennergren nur menciis ekzemplojn, en kiuj “tia” rilatas al substantivo. En “Restu ĉiam tia, kia vi estas.” la vorto “tia” estas sola kaj ne rilatas al substantivo, do mi pensis, ke eble oni traktu ĉi tiajn frazojn alimaniere.

Tamen mi nun samopinias kun vi, ke oni ja povas ellasi “tia” ĉi tie.

m_v:
Mi ja legis la retpaĝon, sed mi ne certis, ĉar en PMEG s-ro Wennergren nur menciis ekzemplojn, en kiuj “tia” rilatas al substantivo. En “Restu ĉiam tia, kia vi estas.” la vorto “tia” estas sola kaj ne rilatas al substantivo, do mi pensis, ke eble oni traktu ĉi tiajn frazojn alimaniere.

Tamen mi nun samopinias kun vi, ke oni ja povas ellasi “tia” ĉi tie.

La vorto tia ne estas sola kaj tutcerte rilatas al substantivo, ĉar la frazo:
Restu ĉiam tia, kia vi estas.
estas samsignifa al la frazo:
Vi restu ĉiam tia, kia vi estas.

horsto:

m_v:
Mi ja legis la retpaĝon, sed mi ne certis, ĉar en PMEG s-ro Wennergren nur menciis ekzemplojn, en kiuj “tia” rilatas al substantivo. En “Restu ĉiam tia, kia vi estas.” la vorto “tia” estas sola kaj ne rilatas al substantivo, do mi pensis, ke eble oni traktu ĉi tiajn frazojn alimaniere.

Tamen mi nun samopinias kun vi, ke oni ja povas ellasi “tia” ĉi tie.

La vorto tia ne estas sola kaj tutcerte rilatas al substantivo, ĉar la frazo:
Restu ĉiam tia, kia vi estas.
estas samsignifa al la frazo:
Vi restu ĉiam tia, kia vi estas.

Viaj du ekzemploj ne enhavas eĉ unu substantivon... Al kiu el tiuj substantivoj rilatas la "tia"?

(Sintakse la "tia" kaj la "kia" estas perverbaj priskriboj al la subjekto (predicate noun over the subject, Subjektsprädikativ, Gleichstellungsnominativ), kaj nedirekte rilatas al la subjektoj (la unua nevidebla "vi", la alia videbla "vi" ), kaj "vi" ne estas substantivo, sed pronomo.)