Към съдържанието
Отговор

ĉu ekzistas pacaj religioj?

от Paquillo, 16 април 2015

Съобщения: 96

Език: Esperanto

robbkvasnak (Покажи профила) 24 април 2015, 21:02:36

Fakte ne estas la religio sui generis sed la fakto ke politikistoj (do kvazaŭ ĉiu homo) uzas religion por atingi pli grandan povon super aliaj (homoj).

Vinisus (Покажи профила) 24 април 2015, 21:42:30

robbkvasnak, kara samideano! Ĉu vi ne havas esperantan vorton por anstataŭigi "Sui generis"? Mi antaŭdankas vin pro via esperebla respondo.

Rujo (Покажи профила) 25 април 2015, 02:17:38

Permesu al mi opinii: ununura; unika.

Rujo (Покажи профила) 25 април 2015, 02:56:25

Waringhien kelkfoje aldonis latinaĵojn al esperantaj tekstoj.

nornen (Покажи профила) 25 април 2015, 08:21:41

Rujo:Waringhien kelkfoje aldonis latinaĵojn al esperantaj tekstoj.
Tamen Waringhien ne fuŝis la latinaĵojn. Ekzemple skribante "sui generis" (kiu ĉi tie simple ne havas sencon) anstataŭ "per se" (kiu ja havus sencon).

Vinisus (Покажи профила) 25 април 2015, 12:01:17

nornen:
Rujo:Waringhien kelkfoje aldonis latinaĵojn al esperantaj tekstoj.
Tamen Waringhien ne fuŝis la latinaĵojn. Ekzemple skribante "sui generis" (kiu ĉi tie simple ne havas sencon) anstataŭ "per se" (kiu ja havus sencon).
Saluton, nornen! Vi pravegas gratulon! "Per si aŭ per si mem", certe estas ĝusta diraĵo.

Rujo (Покажи профила) 25 април 2015, 22:45:23

Rujo:Waringhien kelkfoje aldonis latinaĵojn al esperantaj tekstoj.
Mi forgesis citi la fontojn. Do, jen ili:
“... dank’ al la traduko de tiu apotekista epopeo, kia estas “Hermano kaj Doroteo” (vere, ke la talento de Bennu Kuster... nu, de mortuis nil nisi bonum!): ...” (Kaj la ceter’ – nur literaturo, 1983, pĝ 33);
“...ĝi tuŝos la koron de ĉiu vera libr-amatoro kaj atestas pri la revekiĝo de majstro: Rediuiuus poeta!” (Kaj la ceter’ – nur literaturo, pĝ 101);
“8º ... mi ne opinius tion sufiĉa kompenso por mia memestimo. Sed de gustibus...” (Lingvo kaj Vivo, pĝ 15);
“9º ... Mi konas knabeton, kiu konkludis inverse. Ex ore infantium ...” (Lingvo kaj Vivo, pĝ 15).

robbkvasnak (Покажи профила) 25 април 2015, 23:03:45

bedaŭrinde ne ekzistas ankoraŭ Esperanto-lingva traduko ĉe Vikipedio, sed jen ligilo al la germanlingva informo: http://de.wikipedia.org/wiki/Sui_generis

Paulinho (Покажи профила) 26 април 2015, 13:45:48

Paquillo skribis:
krom religio, aliaj aferoj kiuj dividigas la homojn kreas malamon kaj militojn. ekz. naciismo, politiko, ktp. sed laŭ mi, la religio malsamas el ili je tio ke ĝi volas altrudi dogmaron pri paco, amo, sankteco, dia beno, ktp. kaj poste faras la kontraŭon. naciismo aŭ politiko ne invadas tiel la homan menson kaj postulas multe malpli da spirita perfekteco. do oni povas kompreni (kvankam mi malŝatas ankaŭ tiujn frenezaĵojn) ke politiko aŭ naciismo povas esti kelkfoje perfortaj aŭ malperfektaj.
Sed malfacile oni komprenas ke la religiuloj kiuj predikas amon kaj pacon tiel facile fariĝas la ĉampionoj de la malamo kaj malpaco. Mi vere ŝatus scii:
Kio estas la kaŭzo de tiu kontraŭdiro?
Mi petas permeson por opinii(kaj mi skribas katolike kial katolikulo mi estas): ĉi tio estas ĉar ni estas homoj. La homo estas kontraŭdira. Mi ne kredas ekzemple ke la naciismo mortigis malpli ol la religioj. La grandaj militoj de la dudeka jarcento uzis naciismo kiel motivado, tiel kiel aliaj pasintaj militoj uzis religion kiel motivado.
Persone mi vidas multe da vero en tio kiun diras Paquillo kaj al mi ĉi tio estas fonto de granda doloro. Sed mi ankoraŭ kredas en du fundamentaj dogmoj de la kristana fido, nome, (1)ke Dio estas la patro (patrino) kaj ke pro tio (2)ni estas ĉiuj fratoj kaj kiel fratoj ni devus vivadi.

Altebrilas (Покажи профила) 27 април 2015, 12:04:23

Ĉu ekzistas religio kiu kapablas protekti sin kontraŭ pov- aŭ mon-avidaj homoj? Ĝenerale, religioj estas fondataj de pacamaj spirituloj, kiuj deziras alporti pacon al la homaro, kaj iom post iom ili deflankiĝas pro malatentemo de la plejmulto kaj avideco de kelkaj homoj.

Обратно нагоре