글: 22
언어: Esperanto
michaleo (프로필 보기) 2015년 6월 25일 오후 10:22:27
dbob:Interesa kaj nekutima demando. Ĉu en la praktiko la kunteksto ĉiam montras, ĉu temas pri identeca "kiel" aŭ pri alia senco? Se jes, kaj mi pensas tiel, do tiaj proponoj estas (kaj restos) superfluaj.Jen la ekzemplo:
"Mi kiel judo ne manĝas porkan viandon."
La konstruaĵo "mi kiel judo" povas signifi:
1e: "mi samkiel judo" - mi ne estas judo, sed mi agas, kiel judo agas.
2e: "mi, estante judo", "mi estkiel judo" - mi estas judo kaj agas laŭ juda regularo.
yyaann (프로필 보기) 2015년 6월 26일 오전 12:02:01
michaleo:"Mi kiel judo ne manĝas porkan viandon."Sen plia kunteksto, mi apriore interpretus "kiel judo" kiel "estante judo" manke de kontraŭaj informeroj.
Spontane mi ne komprenis "estkiel" antaŭ ol mi legis la klarigon en la PMEG. Kontraste, kiam mi unuafoje legis "samkiel" mi tuj komprenis ĝin danke al la ofteco de "same kiel" en la lingvo. Kompreneble, ankaŭ la esprimo "esti kiel" oftas, sed ties signifo kutime estas kompara, ne rol- aŭ identeco-montra. Sekve, la celata plia klareco de "estkiel" ne evidentiĝas al mi.
Tial, se malebligi ĉiujn dubojn estas bezonate, mi pensas, ke "estante" (aŭ "role de" en taŭga kunteksto) efikas plej laŭcele.
Aldonaĵo: la PMEG malrekomendas "estkiel". Por esti komprenata oni uzu kiel, diras ĝi.
Bernadox (프로필 보기) 2015년 6월 26일 오전 6:22:40
yyaann:Spontane mi ne komprenis "estkiel" antaŭ ol mi legis la klarigon en la PMEG.Mi tute konsentas: Evitinda.
Aŭ: Estante judo, mi ne manĝas ... = Pro mia judeco mi ne manĝas ...
Aŭ: Same kiel faras judoj, ankaŭ mi ne manĝas ...
Cetere: Ĉu rego de la akuzativo ne pli gravas: "Kion vi pensas pri la vorto ...".
Mi ne komprenas, kial homoj ne simple strebas lerni klasikan, klaran Esperanton kaj rezignas pri tiaj dubaj "plibonigoj".
nakymatonmies (프로필 보기) 2015년 6월 26일 오전 7:18:05
nornen:Ŝajnas, ke 'kvazaŭ' estus perfekta respondo al 'estkiel', kaj cetere sufiĉe klasika.
Kvazaŭ judo, mi ne manĝas panon. = Kvazaŭ mi estus judo, mi ne manĝas panon.
erinja (프로필 보기) 2015년 6월 26일 오후 2:02:43
michaleo:Kion vi pensas pri la vorto "estkiel" (aŭ estiel), kiu signifas "estanta", "en la funkcio de", "havanta la identecon de"? Ĉu ĝi utilas por eviti miskomprenon de la vorto "kiel", kiu ankaŭ tion povas signi?Se mi trafus vorton "estkiel", mi havus neniun ideon pri la signifo. Mi supozus tion mistajpaĵo.
erinja (프로필 보기) 2015년 6월 26일 오후 2:04:21
michaleo:"Mi kiel judo ne manĝas porkan viandon."Vi tamen jam havas la respondon, ĝuste en via skribaĵo, kaj tute sen konfuza nova vorto.
La konstruaĵo "mi kiel judo" povas signifi:
1e: "mi samkiel judo" - mi ne estas judo, sed mi agas, kiel judo agas.
2e: "mi, estante judo", "mi estkiel judo" - mi estas judo kaj agas laŭ juda regularo.
La du frazoj do estus:
Mi, estante judo, ne manĝas porkaĵon
aŭ
Mi, samkiel judo, ne manĝas porkaĵon.