Til innholdet
Svare

Fadeno por mallongaj konsultetoj

fra Edigxepe,2015 12 21

Meldinger: 20

Språk: Esperanto

Edigxepe (Å vise profilen) 2015 12 21 12:48:55

Mi pensas, ke por tre mallongaj konsultetoj estas nebezone krei novan fadenon. Tiu nova fadeno probable mallongas kiam oni la jam mallongan konsulton solvas. Do, mi pensas ke por tiuj tripoŝtaj fadenoj (demando, solvo, danko), tiu fadeno povus esti pli bone ol plenigi la forumojn kun, denove, tripoŝtaj fadenoj. Tamen, eblas esti nur mia koncernaĵo.

Tute, ne grave, mi vere havas mallongan demandon: io ŝajnas malĝusta en tio frazo sed mi ne vidas ĝin klare. Probable en la "dum ankoraŭ" sekcio.

"Sed ni devas ĝoji dum ankoraŭ vivas."

Kirilo81 (Å vise profilen) 2015 12 21 14:11:21

dum komencas novan frazon, kaj tie oni ne povas ellasi la subjektan pronomon:

Ni devas ĝoji(,) dum ni ankoraŭ vivas.

Edigxepe (Å vise profilen) 2015 12 21 14:32:50

Kirilo81:dum komencas novan frazon, kaj tie oni ne povas ellasi la subjektan pronomon:

Ni devas ĝoji(,) dum ni ankoraŭ vivas.
Ĉu literara kunteksto de tiu frazo povus uzi la subjektan ellason?

Alian punkton: kiu oni tradukus "atemporal" (angle)? Netempa?
Mi ne povas trovi ĝin... la plej ĝustan tradukon ke mi trovis estis "eterna", sed estas videble malsama ol(?) la unua.

Kirilo81 (Å vise profilen) 2015 12 21 15:54:16

Mi opinias la ellason de subjekta pronomo ĉiam malbona, ankaŭ en literatura kunteksto, kaj mi ne konas bonan aŭtoron, kiu tiel skribas.

La vorto, kiun vi serĉas, estas eble sentempa.

opalo (Å vise profilen) 2015 12 21 17:15:42

Ĉu ekzistas specifa regulo kiu malpermesas la preterlason?

Ŝi dancas sed ne ridetas.
Ŝi ridetas dum dancas.

Zamenhof mem skribis: Leviĝu kun la suno, edziĝu dum juna.

Kirilo81 (Å vise profilen) 2015 12 21 19:58:50

Mi pensas, ke dependas de la speco de la konjuncio: Kunordigaj konjunkcioj kiel sed, kaj permesas la ellason, subordigaj k. (subjunkcioj) kiel dum, kiam ne.

Altebrilas (Å vise profilen) 2015 12 21 23:14:30

Ĉu estas klara distingo inter konjunkcioj kaj subjunkcioj? Subjunkcioj ligas subfrazojn; Konjunkcioj ligas ion ajn kun ion samspecan: nomo kun nomo, subfrazo kun subfrazo, ktp.

Li estas bakisto kaj kukisto
Li estas bela kaj riĉa
Li dancas rapide kaj elegante
Li manĝas panon kaj trinkas vinon
Li maĉas kaj glutas panon
La revolucio fariĝos per kaj por la popolo

Ĉu vortoj kiel "ĉar" estas konjunkcioj(koordigaj) aŭ subjunkcioj? REVO indikas nur "Konĵ", sen precizigi la specon.

nornen (Å vise profilen) 2015 12 22 05:41:31

Altebrilas:Ĉu estas klara distingo inter konjunkcioj kaj subjunkcioj? Subjunkcioj ligas subfrazojn; Konjunkcioj ligas ion ajn kun ion samspecan: nomo kun nomo, subfrazo kun subfrazo, ktp.

Li estas bakisto kaj kukisto
Li estas bela kaj riĉa
Li dancas rapide kaj elegante
Li manĝas panon kaj trinkas vinon
Li maĉas kaj glutas panon
La revolucio fariĝos per kaj por la popolo

Ĉu vortoj kiel "ĉar" estas konjunkcioj(koordigaj) aŭ subjunkcioj? REVO indikas nur "Konĵ", sen precizigi la specon.
Vi mem povas respondi tion. Ĉu vi povas trovi propozicion, kie la vorto "ĉar" kunigas du samtipajn frazojn (ekz nomajn frazojn)? Se ne, ĝi estas subordiga.

sergejm (Å vise profilen) 2015 12 22 08:56:22

PIV donas du signifojn de "ĉar": la unua estas konjunkcio, la dua estas subjunkcio. Sed mi ne komprenis la diferencon.

opalo (Å vise profilen) 2015 12 22 09:26:44

Kvankam estas unurole subjunkcio, kaj ĝi permesas elipsojn: Kvankam blinda kaj maljuna, li en la daŭro de tre mallonga tempo perfekte ellernis Esperanton.

Mi serĉis tra PAG sen rezulto. Komenciĝas ŝajni, ke neniu regulo ekzistas kiu malpermesas subjektelipson post dum, kaj ke evitado estas nur pro nekutimeco, kaj gramatike senbaza.

Tibake til toppen