Oni devas kritike analizi informojn kiujn oni ricevas, speciale dum konflikto. Ambaŭ flankoj mensogas, aŭ almenaŭ plibeligas la veron favore al si.

Absoluta vero ne ekzistas, ĉar la homa cerbo ne senfinas. Veroj estas pli malpli fidelaj reprezentaĵoj de la realo, kompreneblaj de meza homo.

Tial ekzistas ĉiam malsamecoj inter veroj kaj realo, kaj inter diversaj veroj. Oni devas konscii pri tio.

Pri via anasa proverbo, ĝi provas nenion. Iu povas agi kiel normalulo, vestiĝi kiel normalulo, aspekti kiel ordinara civitano, kaj esti fakte spiono.

Ekzistas eĉ plastaj anasinoj uzataj de ĉasistoj por allogi viranasojn. Ne nur metaforo, sed ankaŭ ekzemplo!