შინაარსის ნახვა
პასუხი

Ĉu ĉiuj kulturoj samvaloras?

Vilinilo-ისა და 10 იანვარი, 2010-ის მიერ

შეტყობინებები: 70

ენა: Esperanto

Vilinilo (მომხმარებლის პროფილი) 10 იანვარი, 2010 03:18:50

Tiu ĉi temo aperis en alia fadeno. Mi supozas ke tiu ĉi temo estas tre polemika, do mi decidis krei novan fadenon por ne ŝanĝi temon tie.

Oŝo-Jabe:(...) Ĉar tio estas normala por tiu kulturo, kaj ĉar ĉiu kulturo estas samvalora, oni ne diru, ke unu kulturo pravas kaj alia malpravas.
Mi ne konsentas ke ĉiuj kulturoj estas samvaloraj. Kulturoj estas kiel opinioj, kaj foje ili ja tute malpravas, eĉ morale. Tranĉvundado de klitoroj de virinoj estas nepre malĝusta. Nepre. Mi ne diras tiun ĉar mi estas okcidenta tendenciulo, sed ĉar mi havas minimumon de kompato kun aliaj homoj.

Kulturoj kun kredoj kiuj ne kongras kun faktoj ankaŭ estas tute eraraj, mi pardonpetas, sed tio estas realeco. Se iu havas kulturon, kiu asertas ke la mondo havas 6 mil jaroj kaj estis kreata en 6 tagoj, li simple eraras, ne estas afero de esti tolerema, sed de fakta bazo.

Kulturo ne ekskuzas erarojn, estas ja kulturoj ke valoras multe kaj kulturoj ke valoras malmulte. Mi riskas fali en Leĝon de Godwin, sed Naziismo estis kulturo ankaŭ, ĉu ne?

Oŝo-Jabe (მომხმარებლის პროფილი) 10 იანვარი, 2010 05:44:39

Vilinilo:
Oŝo-Jabe:(...) Ĉar tio estas normala por tiu kulturo, kaj ĉar ĉiu kulturo estas samvalora, oni ne diru, ke unu kulturo pravas kaj alia malpravas.
Kulturo ne ekskuzas erarojn, estas ja kulturoj ke valoras multe kaj kulturoj ke valoras malmulte. Mi riskas fali en Leĝon de Godwin, sed Naziismo estis kulturo ankaŭ, ĉu ne?
Do, bone. Vi montris al mi la stultecon de miaj vortoj. Anstataŭ "Ĉiuj kulturoj samvaloras" mi nun dirus "ĉiuj kulturoj, kiuj ne vundas la kulturanojn per iloj kaj/aŭ per nescio, samvaloras."

Vilinilo (მომხმარებლის პროფილი) 10 იანვარი, 2010 07:30:56

Bone rideto.gif tamen mi ankoraŭ ne tute konsentas. Unue ĉar estas ankaŭ afero de malveraj konvinkoj kaj due ĉar en la temo pri kiu ni diskutis (la kverelo de kelkaj kristanoj kontraŭ samseksemuloj) personoj havas siaj rajtoj neataj (ĉi-afere, geja geedziĝo, ekzemple).

La unua punkto de malkonsento oni diskutu tie ĉi, se vi volas, la dua punkto taŭgas pli bone en la alia.

niko-tina (მომხმარებლის პროფილი) 10 იანვარი, 2010 14:03:53

Mi opinias, ke neniu kulturo valoras!

Tie, mi ne havas tiajn problemojn! lango.gif

Eddycgn (მომხმარებლის პროფილი) 10 იანვარი, 2010 14:37:27

Nur la kulturoj kiuj respektas la homajn rajtojn, ankaŭ la rajtojn de la minoritatoj, valoras.
La vivo estas kontrakto inter homoj por respekti reciproke, kiel diris JJ. Rousseau.

Frankouche (მომხმარებლის პროფილი) 10 იანვარი, 2010 15:35:30

Pri kiuj valoroj temas ?

Jen la vera demando ! okulumo.gif

Vilinilo (მომხმარებლის პროფილი) 10 იანვარი, 2010 18:11:33

Frankouche:Pri kiuj valoroj temas ?

Jen la vera demando ! okulumo.gif
Bonega demando, oni devas unue difini valoron. Tiu estas subjektiva, do mi proponos subjektiva difino: Kiom da mono vi pagus por esti ano de iu kulturo? Tiom estas mezuro de ĝia relativa valoro.

fo_q (მომხმარებლის პროფილი) 10 იანვარი, 2010 22:09:16

Ĉu la faŝisma kulturo ne estas abomeninda? Kaj la kanibala (hommanĝa) kulturo?

Ne eblas al ni relativigi ĉion...

Adelson Sobrinho (მომხმარებლის პროფილი) 10 იანვარი, 2010 22:28:29

sal.gif Kompreneble, ĉiuj kulturoj samvaloras.
Imitante Saussure, la patro de Lingvistiko, kiu diris "ĈIU POPOLO KREDAS PRI LA SUPERECO DE SIA LINGVO, mi pensas ke mi rajtas aserti la jenon: ĈIU POPOLO KREDAS PRI LA SUPERECO DE SIA KULTURO, ĉar kulturo kaj lingvo estas interligitaj.
Kore, Adelson Sobrinho.

Rogir (მომხმარებლის პროფილი) 11 იანვარი, 2010 00:24:27

Se oni diras, ke ĉiuj kulturoj laŭdifine estas samvaloraj, ĉesiĝas ĉia diskuto. 'Kio pri deviga geedziĝo? - Parto de kulturo.' 'Kio pri nevolonta cirkumcido de knabinoj? - Parto de kulturo.' 'Kio pri mortigo de ĉiuj fremduloj? - Parto de kulturo.' Tial diri, ke ĉiuj kulturoj estas samvaloraj, estas tro naive.

ზემოთ დაბრუნება