Al la enhavo
Respondi

Per kio oni sorbas la trinkaĵon?

de 黄鸡蛋, 2010-septembro-24

Mesaĝoj: 13

Lingvo: Esperanto

黄鸡蛋 (Montri la profilon) 2010-septembro-24 07:50:06

Hodiaŭ mi iris al restoracio kaj trinkis kokakolaon. Certe mi enmetis longan tubformaĵon por sorbi la kokakolaon. Kiel oni nomas tiun tubformaĵon? demando.gif

sudanglo (Montri la profilon) 2010-septembro-24 08:54:58

Vi povas trovi '(suĉ)ŝalmo' en la vortaroj en tiu senco - sed ŝajnas al mi ke mi plej ofte aŭdis 'trinkpajlon'.

Miland (Montri la profilon) 2010-septembro-24 10:28:30

Ŝalmo, laŭ kaj la vortaroj de Wells kaj Butler, kaj la elŝutebla NPIV (p1106).

sudanglo (Montri la profilon) 2010-septembro-24 14:32:08

Ŝajne, laŭ miaj retaj esploroj, pajlo estas multe pli konata kaj uzata radiko ol ŝalmo.

Vi elektu lauplaĉe inter ŝalmo, suĉŝalmo, trinkŝalmo, suĉpajlo kaj trinkpajlo.

Ĉar antaŭ la eltrovo de modernaj plastaj materialoj oni (ŝajne) uzis pajleron, eble taŭgas ke la flekseblaj plastaj tubetoj nomiĝu trinkpajloj.

sudanglo (Montri la profilon) 2010-septembro-24 14:35:50

Miland - kio estas la dosiero grandeco de la elŝutebla NPIV kaj ĉu vi havas ligilon.

Ĉu la afero estas pirataĵo au legitima?

KoLonJaNo (Montri la profilon) 2010-septembro-24 15:16:22

Saluton!

sudanglo:Ŝajne, laŭ miaj retaj esploroj, pajlo estas multe pli konata kaj uzata radiko ol ŝalmo.
Pri tio mi konsentas.

sudanglo:Vi elektu lauplaĉe inter ŝalmo, suĉŝalmo, trinkŝalmo, suĉpajlo kaj trinkpajlo.
Nu, kutime sufiĉas unu pajlero, sed okazas, ke oni trinkas plurope el granda ujo, do bezonas plurajn pajlerojn.

sudanglo:Ĉar antaŭ la eltrovo de modernaj plastaj materialoj oni (ŝajne) uzis pajleron, eble taŭgas ke la flekseblaj plastaj tubetoj nomiĝu trinkpajleroj.
Kolonjano

sergejm (Montri la profilon) 2010-septembro-24 15:38:26

sudanglo:Miland - kio estas la dosiero grandeco de la elŝutebla NPIV kaj ĉu vi havas ligilon.

Ĉu la afero estas pirataĵo au legitima?
200MB, pdf kun pentraĵoj de skanitaj paĝoj, ofte kurbitaj ĉe bindaĵo.
Ne estas serĉilo, do trovi vorton estas malfacile.
Verŝajne, iu posedanta pareran NPIV, skanis ĝin, mi dubas ke li petis permeson por tio.
Ankaŭ estas elŝutebla NPIV-Korektendoj.pdf - tiu estas ordinara 29-paĝa PDF kun eraroj en NPIV kaj verŝajne estas legitima.

Continuum (Montri la profilon) 2010-septembro-24 16:36:54

Mi konfirmas, ke la vorto "ŝalmo" estas tute ĝusta! okulumo.gif

黄鸡蛋 (Montri la profilon) 2010-septembro-25 14:08:39

Dankon pro viaj respondoj. rideto.gif

Matthieu (Montri la profilon) 2010-septembro-25 17:03:50

Vikipedio nomas tion “trinkŝalmo”, sed se mi ne scius, mi volonte dirus “trinkotubo”.

Reen al la supro