Til innholdet
Svare

Per kio oni sorbas la trinkaĵon?

fra 黄鸡蛋,2010 9 24

Meldinger: 13

Språk: Esperanto

黄鸡蛋 (Å vise profilen) 2010 9 24 07:50:06

Hodiaŭ mi iris al restoracio kaj trinkis kokakolaon. Certe mi enmetis longan tubformaĵon por sorbi la kokakolaon. Kiel oni nomas tiun tubformaĵon? demando.gif

sudanglo (Å vise profilen) 2010 9 24 08:54:58

Vi povas trovi '(suĉ)ŝalmo' en la vortaroj en tiu senco - sed ŝajnas al mi ke mi plej ofte aŭdis 'trinkpajlon'.

Miland (Å vise profilen) 2010 9 24 10:28:30

Ŝalmo, laŭ kaj la vortaroj de Wells kaj Butler, kaj la elŝutebla NPIV (p1106).

sudanglo (Å vise profilen) 2010 9 24 14:32:08

Ŝajne, laŭ miaj retaj esploroj, pajlo estas multe pli konata kaj uzata radiko ol ŝalmo.

Vi elektu lauplaĉe inter ŝalmo, suĉŝalmo, trinkŝalmo, suĉpajlo kaj trinkpajlo.

Ĉar antaŭ la eltrovo de modernaj plastaj materialoj oni (ŝajne) uzis pajleron, eble taŭgas ke la flekseblaj plastaj tubetoj nomiĝu trinkpajloj.

sudanglo (Å vise profilen) 2010 9 24 14:35:50

Miland - kio estas la dosiero grandeco de la elŝutebla NPIV kaj ĉu vi havas ligilon.

Ĉu la afero estas pirataĵo au legitima?

KoLonJaNo (Å vise profilen) 2010 9 24 15:16:22

Saluton!

sudanglo:Ŝajne, laŭ miaj retaj esploroj, pajlo estas multe pli konata kaj uzata radiko ol ŝalmo.
Pri tio mi konsentas.

sudanglo:Vi elektu lauplaĉe inter ŝalmo, suĉŝalmo, trinkŝalmo, suĉpajlo kaj trinkpajlo.
Nu, kutime sufiĉas unu pajlero, sed okazas, ke oni trinkas plurope el granda ujo, do bezonas plurajn pajlerojn.

sudanglo:Ĉar antaŭ la eltrovo de modernaj plastaj materialoj oni (ŝajne) uzis pajleron, eble taŭgas ke la flekseblaj plastaj tubetoj nomiĝu trinkpajleroj.
Kolonjano

sergejm (Å vise profilen) 2010 9 24 15:38:26

sudanglo:Miland - kio estas la dosiero grandeco de la elŝutebla NPIV kaj ĉu vi havas ligilon.

Ĉu la afero estas pirataĵo au legitima?
200MB, pdf kun pentraĵoj de skanitaj paĝoj, ofte kurbitaj ĉe bindaĵo.
Ne estas serĉilo, do trovi vorton estas malfacile.
Verŝajne, iu posedanta pareran NPIV, skanis ĝin, mi dubas ke li petis permeson por tio.
Ankaŭ estas elŝutebla NPIV-Korektendoj.pdf - tiu estas ordinara 29-paĝa PDF kun eraroj en NPIV kaj verŝajne estas legitima.

Continuum (Å vise profilen) 2010 9 24 16:36:54

Mi konfirmas, ke la vorto "ŝalmo" estas tute ĝusta! okulumo.gif

黄鸡蛋 (Å vise profilen) 2010 9 25 14:08:39

Dankon pro viaj respondoj. rideto.gif

Matthieu (Å vise profilen) 2010 9 25 17:03:50

Vikipedio nomas tion “trinkŝalmo”, sed se mi ne scius, mi volonte dirus “trinkotubo”.

Tibake til toppen