Přejít k obsahu
Odpovědět

Per kio oni sorbas la trinkaĵon?

od uživatele 黄鸡蛋 ze dne 24. září 2010

Příspěvky: 13

Jazyk: Esperanto

黄鸡蛋 (Ukázat profil) 24. září 2010 7:50:06

Hodiaŭ mi iris al restoracio kaj trinkis kokakolaon. Certe mi enmetis longan tubformaĵon por sorbi la kokakolaon. Kiel oni nomas tiun tubformaĵon? demando.gif

sudanglo (Ukázat profil) 24. září 2010 8:54:58

Vi povas trovi '(suĉ)ŝalmo' en la vortaroj en tiu senco - sed ŝajnas al mi ke mi plej ofte aŭdis 'trinkpajlon'.

Miland (Ukázat profil) 24. září 2010 10:28:30

Ŝalmo, laŭ kaj la vortaroj de Wells kaj Butler, kaj la elŝutebla NPIV (p1106).

sudanglo (Ukázat profil) 24. září 2010 14:32:08

Ŝajne, laŭ miaj retaj esploroj, pajlo estas multe pli konata kaj uzata radiko ol ŝalmo.

Vi elektu lauplaĉe inter ŝalmo, suĉŝalmo, trinkŝalmo, suĉpajlo kaj trinkpajlo.

Ĉar antaŭ la eltrovo de modernaj plastaj materialoj oni (ŝajne) uzis pajleron, eble taŭgas ke la flekseblaj plastaj tubetoj nomiĝu trinkpajloj.

sudanglo (Ukázat profil) 24. září 2010 14:35:50

Miland - kio estas la dosiero grandeco de la elŝutebla NPIV kaj ĉu vi havas ligilon.

Ĉu la afero estas pirataĵo au legitima?

KoLonJaNo (Ukázat profil) 24. září 2010 15:16:22

Saluton!

sudanglo:Ŝajne, laŭ miaj retaj esploroj, pajlo estas multe pli konata kaj uzata radiko ol ŝalmo.
Pri tio mi konsentas.

sudanglo:Vi elektu lauplaĉe inter ŝalmo, suĉŝalmo, trinkŝalmo, suĉpajlo kaj trinkpajlo.
Nu, kutime sufiĉas unu pajlero, sed okazas, ke oni trinkas plurope el granda ujo, do bezonas plurajn pajlerojn.

sudanglo:Ĉar antaŭ la eltrovo de modernaj plastaj materialoj oni (ŝajne) uzis pajleron, eble taŭgas ke la flekseblaj plastaj tubetoj nomiĝu trinkpajleroj.
Kolonjano

sergejm (Ukázat profil) 24. září 2010 15:38:26

sudanglo:Miland - kio estas la dosiero grandeco de la elŝutebla NPIV kaj ĉu vi havas ligilon.

Ĉu la afero estas pirataĵo au legitima?
200MB, pdf kun pentraĵoj de skanitaj paĝoj, ofte kurbitaj ĉe bindaĵo.
Ne estas serĉilo, do trovi vorton estas malfacile.
Verŝajne, iu posedanta pareran NPIV, skanis ĝin, mi dubas ke li petis permeson por tio.
Ankaŭ estas elŝutebla NPIV-Korektendoj.pdf - tiu estas ordinara 29-paĝa PDF kun eraroj en NPIV kaj verŝajne estas legitima.

Continuum (Ukázat profil) 24. září 2010 16:36:54

Mi konfirmas, ke la vorto "ŝalmo" estas tute ĝusta! okulumo.gif

黄鸡蛋 (Ukázat profil) 25. září 2010 14:08:39

Dankon pro viaj respondoj. rideto.gif

Matthieu (Ukázat profil) 25. září 2010 17:03:50

Vikipedio nomas tion “trinkŝalmo”, sed se mi ne scius, mi volonte dirus “trinkotubo”.

Zpět na začátek