До змісту
Відповісти

Kiun version de Linŭ uzas vi?

від ceigered, 23 серпня 2009 р.

Повідомлення: 67

Мова: Esperanto

Vilius (Переглянути профіль) 13 вересня 2009 р. 19:41:48

Mi uzas Ubuntu 9.04 en ambaŭ de miaj komputiloj. Kaj Ubuntu 8.10 en servilo. Tre bona mastrumsistemo.

bollkalli (Переглянути профіль) 24 жовтня 2009 р. 05:56:44

Mi havas Debian Lenny.

darkweasel (Переглянути профіль) 24 жовтня 2009 р. 19:19:49

Iretka:
Kiun version de Linukso uzas vi?
Laŭ mia opinio oni ne devus nomigi la "GNU/Linuks"-an sistemon kvazaŭ "Linukso" ĉar Linukso nur estas unu mastrumsistema kerno kaj la plej granda parto de la sistemo estas el GNUa projekto.
Ne. Estas por mi tute strange, ke Free Software Foundation volas, ke ni uzu "GNU/Linu'x". Certe ili pravas, ke multaj partoj de la tuta sistemo estas el GNU, sed kiel ni nomu la sistemon, se ni aldonas ĉiujn kontribuintojn? Ĉu GNU/X11/Mozilla/Openoffice.org/KDE/Linu'x?

Free Software Foundation mem kontraŭas la malnov-BSD-permesilan frazon, kiu devigas al distribuantoj en reklamoj por la programoj enskribi la kontribuintojn. Kial ili do volas, ke ni faru ĝuste tion pri ilia sistemo?

(Krome mi ĉiuokaze ne ŝatas esperantigojn de produktnomoj - kial oni ne nomas produktojn laŭ la nomoj oficialaj "Linu'x", "Windows" ktp, sed strangege kaj malklare "Linukso", "Vindozo" ktp.? Ĉu pro la x-sistema aĉaĵo "Linŭ"? Verŝajne nur tial...)

horsto (Переглянути профіль) 24 жовтня 2009 р. 20:12:22

darkweasel:
(Krome mi ĉiuokaze ne ŝatas esperantigojn de produktnomoj - kial oni ne nomas produktojn laŭ la nomoj oficialaj "Linu'x", "Windows" ktp, sed strangege kaj malklare "Linukso", "Vindozo" ktp.? Ĉu pro la x-sistema aĉaĵo "Linŭ"? Verŝajne nur tial...)
La literoj x kaj w ne ekzistas en Esperanto, do kiel skribi Linu'x aŭ Windows?
Aŭ ĉu vi proponas ke ni enkonduku vortojn en Esperanton kiuj havas literojn kiuj ne estas en la lingvoj, kiel ekz. [url=http://de.wikipedia.org/wiki/Café]Café[/url] en la germana lingvo.

darkweasel (Переглянути профіль) 25 жовтня 2009 р. 14:21:08

Mi ne proponas novajn literojn, sed "Linu'x" kaj "Windows" ja ne estas Esperantaj vortoj! Ili estas propraj produktnomoj, do kreitaj vortoj. Estus tute strange malpermesi uzadon ekzemple de familiaj nomoj, kiuj havas ne-Esperantan literon (mia familia nomo finiĝas per Y, ĉu tio malebligas al mi meti ĝin en Esperantan tekston?). Same strangas tio ĉe produktnomoj.

Vidu ankaŭ Ne-Esperantigitaj nomoj en PMEG.

Ne, oni ne povas kompari tion al "Café", ĉar "Café" estas tute normala vorto, ne produktnomo.

ceigered (Переглянути профіль) 25 жовтня 2009 р. 14:42:29

darkweasel:kial oni ne nomas produktojn laŭ la nomoj oficialaj "Linŭ", "Windows" ktp, sed strangege kaj malklare "Linukso", "Vindozo" ktp.? Ĉu pro la x-sistema aĉaĵo "Linŭ"?
Jes - ĉar la x-sistema aĉigas la vorton "linŭx". Kaj 'vindozo' ĉar se oni uzas 'linukso' kun 'windows', ŝajnas malkonsekvence lango.gif

Mi bedaŭras, mia esperanto eble estas malbona, ĉar mi ne dece ekzercas ĝin longe.

Rodrigoo (Переглянути профіль) 26 жовтня 2009 р. 03:51:19

Mi tute rezignis pri *ubuntu. Nun, mi nur uzas Sabayon... verŝajne, nun mi finfine trovis la distribuaĵon kiu plej taŭgas al mi. Mi ekamis ĝin. rido.gif

Nun, mankas ektraduki ĝin al Esperanto. okulumo.gif

Sammondane,
Ĥod

horsto (Переглянути профіль) 26 жовтня 2009 р. 15:55:05

darkweasel:Mi ne proponas novajn literojn, sed "Linu'x" kaj "Windows" ja ne estas Esperantaj vortoj! Ili estas propraj produktnomoj, do kreitaj vortoj. Estus tute strange malpermesi uzadon ekzemple de familiaj nomoj, kiuj havas ne-Esperantan literon (mia familia nomo finiĝas per Y, ĉu tio malebligas al mi meti ĝin en Esperantan tekston?). Same strangas tio ĉe produktnomoj.
Vidu ankaŭ Ne-Esperantigitaj nomoj en PMEG.
Ne, oni ne povas kompari tion al "Café", ĉar "Café" estas tute normala vorto, ne produktnomo.
Ĉu do, laŭ vi, ni ne ŝanĝu la anglajn nomojn, sed kion vi pensas pri tia 世界語 nomo? Se Vindozo estus ĉina sistemo, ĉu do ni uzu tian ĉinan nomon?

Rogir (Переглянути профіль) 26 жовтня 2009 р. 15:55:56

Ni tradukas produkt- kaj markonomojn ĉar alie ne estas klara la elparolo kaj kiam ili enhavas ne-esperantajn literojn. Ĉu ni ankaŭ skribu ĉiujn ĉinajn markonomojn laŭ ĉinaj signoj?

ceigered (Переглянути профіль) 27 жовтня 2009 р. 07:26:55

Tiu ĉi diskuto memorigas min de la Rusa animacia serio "Smeshariki/Smeŝariki', ĉar en tiu programo la Windows/Vindoza operaciumsistemo estas nomata 'Okno/Okna' (mi ne memoras la ĝustan nomon) - 'Okno' en la Rusa lingvo estas 'fenestro'.

Назад до початку