إلى المحتويات
رد

Ĉu vi pensadas en esperanto?

من Eddycgn, 27 نوفمبر، 2009

المشاركات: 56

لغة: Esperanto

Eddycgn (عرض الملف الشخصي) 27 نوفمبر، 2009 12:30:25 م

Ĉu vi pensadas nur en via naskiĝolingvo aŭ ankaŭ esperante?
Kiel ofte?

Rogir (عرض الملف الشخصي) 27 نوفمبر، 2009 4:00:04 م

Mi pensas en la nederlanda, mia denasklingvo, en la angla, mia edukadlingvo, en esperanto, kaj foje kelkajn vortojn en aliaj lingvoj. Kaj fojfoje mi pensas en la matematika.

nikko (عرض الملف الشخصي) 27 نوفمبر، 2009 4:07:58 م

Jes, tre ofte mi aŭtomatike komencas pensi en Esperanto, mi ne scias kial.

Sxak (عرض الملف الشخصي) 28 نوفمبر، 2009 9:45:48 ص

Mi pensas en tute alia kodo, kiun ne eblas nomi lingvo (ĝi enhavas bildojn kaj multon alian kion mi ne povas eĉ priskribi por mi mem). Sed se mi pense prononcas vortojn, do mi povas tion fari ankaŭ Esperante. Kaj tio ofte okazas kiam mi estas inter esperantistoj reale aŭ rete.

Matthieu (عرض الملف الشخصي) 28 نوفمبر، 2009 10:09:45 ص

Mi plej ofte pensas france, sed ankaŭ povas pensi Esperante, ĉefe kiam mi parolas, legas aŭ skribas en tiu lingvo (kiel ĝuste nun).

darkweasel (عرض الملف الشخصي) 28 نوفمبر، 2009 1:45:04 م

Ankaŭ mi kelkfoje pensas en Esperanto, simple ĉar estas tre facile pensi en facila kaj fleksebla lingvo. Sed plej ofte mi ankoraŭ pensas germane.

dobri (عرض الملف الشخصي) 28 نوفمبر، 2009 4:45:02 م

Mi vidas, ke ni ĉiuj fakte kondutas same. Plej ofte ni pensas en gepatra lingvo, tamen dum legado de ĉi forumo ankaŭ mi aŭtomate pensas esperantlingve. Ankaŭ okazis al mi, ke mi eĉ sonĝis esperantlingve!

Eddycgn (عرض الملف الشخصي) 28 نوفمبر، 2009 8:46:05 م

dobri:Mi vidas, ke ni ĉiuj fakte kondutas same. Plej ofte ni pensas en gepatra lingvo, tamen dum legado de ĉi forumo ankaŭ mi aŭtomate pensas esperantlingve. Ankaŭ okazis al mi, ke mi eĉ sonĝis esperantlingve!
... kaj vi sonĝas esti en Esperantolando, granda insulo en la oceano, kie ĉiuj estas feliĉaj, ĉu ne? rido.gif

Rogir (عرض الملف الشخصي) 29 نوفمبر، 2009 12:35:17 ص

Ne, laǔ mi esperantolando ne estas insulo en marego, sed estu ĉie kie homoj de malsamaj nacioj volas renkonti, kunlabori aǔ kuniĝi.

dobri (عرض الملف الشخصي) 29 نوفمبر، 2009 6:37:41 ص

Mi povas nur konsenti kun Rogir. Mi ne kredas kiel Zamenhof, ke Esperanto solvos ĉiujn problemojn inter la nacioj. Sufiĉas por mi, ke mi povas renkontadi bonvolajn homojn kaj babiladi kun ili. Parolado kun eksterlandano per la angla ne tiom feliĉigas min, kiel Esperanto-parolado. Ĉu vi scias, kial?

عودة للاعلى