Contenido
Responder

Ĉu vi pensadas en esperanto?

de Eddycgn, 27 de noviembre de 2009

Aportes: 56

Idioma: Esperanto

Eddycgn (Mostrar perfil) 27 de noviembre de 2009 12:30:25

Ĉu vi pensadas nur en via naskiĝolingvo aŭ ankaŭ esperante?
Kiel ofte?

Rogir (Mostrar perfil) 27 de noviembre de 2009 16:00:04

Mi pensas en la nederlanda, mia denasklingvo, en la angla, mia edukadlingvo, en esperanto, kaj foje kelkajn vortojn en aliaj lingvoj. Kaj fojfoje mi pensas en la matematika.

nikko (Mostrar perfil) 27 de noviembre de 2009 16:07:58

Jes, tre ofte mi aŭtomatike komencas pensi en Esperanto, mi ne scias kial.

Sxak (Mostrar perfil) 28 de noviembre de 2009 09:45:48

Mi pensas en tute alia kodo, kiun ne eblas nomi lingvo (ĝi enhavas bildojn kaj multon alian kion mi ne povas eĉ priskribi por mi mem). Sed se mi pense prononcas vortojn, do mi povas tion fari ankaŭ Esperante. Kaj tio ofte okazas kiam mi estas inter esperantistoj reale aŭ rete.

Matthieu (Mostrar perfil) 28 de noviembre de 2009 10:09:45

Mi plej ofte pensas france, sed ankaŭ povas pensi Esperante, ĉefe kiam mi parolas, legas aŭ skribas en tiu lingvo (kiel ĝuste nun).

darkweasel (Mostrar perfil) 28 de noviembre de 2009 13:45:04

Ankaŭ mi kelkfoje pensas en Esperanto, simple ĉar estas tre facile pensi en facila kaj fleksebla lingvo. Sed plej ofte mi ankoraŭ pensas germane.

dobri (Mostrar perfil) 28 de noviembre de 2009 16:45:02

Mi vidas, ke ni ĉiuj fakte kondutas same. Plej ofte ni pensas en gepatra lingvo, tamen dum legado de ĉi forumo ankaŭ mi aŭtomate pensas esperantlingve. Ankaŭ okazis al mi, ke mi eĉ sonĝis esperantlingve!

Eddycgn (Mostrar perfil) 28 de noviembre de 2009 20:46:05

dobri:Mi vidas, ke ni ĉiuj fakte kondutas same. Plej ofte ni pensas en gepatra lingvo, tamen dum legado de ĉi forumo ankaŭ mi aŭtomate pensas esperantlingve. Ankaŭ okazis al mi, ke mi eĉ sonĝis esperantlingve!
... kaj vi sonĝas esti en Esperantolando, granda insulo en la oceano, kie ĉiuj estas feliĉaj, ĉu ne? rido.gif

Rogir (Mostrar perfil) 29 de noviembre de 2009 00:35:17

Ne, laǔ mi esperantolando ne estas insulo en marego, sed estu ĉie kie homoj de malsamaj nacioj volas renkonti, kunlabori aǔ kuniĝi.

dobri (Mostrar perfil) 29 de noviembre de 2009 06:37:41

Mi povas nur konsenti kun Rogir. Mi ne kredas kiel Zamenhof, ke Esperanto solvos ĉiujn problemojn inter la nacioj. Sufiĉas por mi, ke mi povas renkontadi bonvolajn homojn kaj babiladi kun ili. Parolado kun eksterlandano per la angla ne tiom feliĉigas min, kiel Esperanto-parolado. Ĉu vi scias, kial?

Volver arriba