Mesaĝoj: 12
Lingvo: Esperanto
crescence (Montri la profilon) 2010-majo-01 07:40:25
Mi legas en la paĝo http://verdamilio.info/org/?lang=eo jenon :
La dangera lingvo kaj ties tradukoj Esperanta
Ĉu ni povas skribi :
La dangera lingvo kaj siaj tradukoj Esperanta ?
Kiu estas la malsameco ?
Miland (Montri la profilon) 2010-majo-01 09:16:40
Ĉu temas pri tradukojn en Esperanton aŭ Esperantaj tradukoj el aliaj lingvoj?
crescence (Montri la profilon) 2010-majo-01 09:36:22
Miland: Bonvolu doni pli da kunteksto.Vidu ĉi tie
super-griek (Montri la profilon) 2010-majo-01 10:15:38
crescence:Saluton,Ni ne povas skribi siaj, sed ja ĝiaj
Mi legas en la paĝo http://verdamilio.info/org/?lang=eo jenon :
La dangera lingvo kaj ties tradukoj Esperanta
Ĉu ni povas skribi :
La dangera lingvo kaj siaj tradukoj Esperanta ?
Kiu estas la malsameco ?
La refleksivan pronomon 'sia' eblas uzi nur se la posedataĵo apartenas al la subjekto de la frazo:
Li amas sian edzinon. (la propran edzinon)
Li amas lian edzinon. (la edzinon de alia persono)
Estas krome akcentinde ke la posedataĵo devas aparteni al la tuta subjekto, ne nur al parto de ĝi:
Johano kaj Klara amas sian patron. (la patron de Johano kaj Klara; J. kaj K. estas gefratoj)
Johano kaj Klara amas lian patron. (la patron de Johano aŭ de alia virseksulo, sed certe ne de Klara)
Ĉu estas klare tiel?
crescence (Montri la profilon) 2010-majo-01 10:42:33
super-griek:Dankon pro via longa respondo.
Ni ne povas skribi siaj, sed ja ĝiaj
Estas krome akcentinde ke la posedataĵo devas aparteni al la tuta subjekto, ne nur al parto de ĝi:
Ĉu estas klare tiel?
Nu, kiu estas la malsameco inter ties kaj ĝia ?
darkweasel (Montri la profilon) 2010-majo-01 12:15:35
crescence:Ne vere estas granda diferenco.
Nu, kiu estas la malsameco inter ties kaj ĝia ?
Mi pensas, ke mi ie legis, ke oni uzu ĝia (lia/ŝia), se temas pri aparteno al io, kio estis antaŭe menciita kiel subjekto, kaj ties por aparteno al io, kio estis antaŭe menciita kiel objekto. Tamen ne ŝajnas al mi, ke multaj Esperantistoj efektive uzas la lingvon tiel. Vi povas do trakti tiujn du vortojn kiel preskaŭ samsignifajn.
Miland (Montri la profilon) 2010-majo-01 13:12:43
crescence:Bone, en tiu kunteksto mi preferas ĝiaj tradukoj (el Esperanto al aliaj lingvoj).Miland: Bonvolu doni pli da kunteksto.Vidu ĉi tie
Ties estas uzata malmulte (jen rilata paĝo de la PMEG). Tamen, en ĉi tiu kunteksto, miaopinie, ne tre gravas se oni uzas ties. Pri siaj, tamen, ĉar si ne povas esti parto de subjekto, oni devus diri, ekzemple la danĝera lingvo kun siaj tradukoj al aliaj lingvoj.
darkweasel (Montri la profilon) 2010-majo-01 13:23:01
Miland:Kondiĉe ke la Monda Banko kaj siaj kolegoj komprenas...Tiu frazo evidente estas malĝusta, ĉar sia ne povas esti subjekto nek parto de subjekto.
tommjames (Montri la profilon) 2010-majo-01 13:37:27
darkweasel:Jes, kaj ŝajnas al mi ke ĝuste tial ankaŭ la frazo "La dangera lingvo kaj siaj tradukoj Esperantaj" estas malĝusta ĉar ĝi estas nominativa frazo en kiu la subjekto estas la tuta frazo.Miland:Kondiĉe ke la Monda Banko kaj siaj kolegoj komprenas...Tiu frazo evidente estas malĝusta, ĉar sia ne povas esti subjekto nek parto de subjekto.
Miland (Montri la profilon) 2010-majo-01 15:05:16
darkweasel:
tommjames:Prave, mi devintus uzi kun anstataŭ kaj; dankon. Mi reviziis la mesaĝon.