Tartalom
Válaszok

Verbo + Verbo

T0dd-tól, 2011. március 30.

Hozzászólások: 24

Nyelv: Esperanto

T0dd (Profil megtekintése) 2011. március 30. 12:05:07

Ŝajnas al mi, ke ne estas multaj kunmetitaj vortoj en Esperanto, kies radikaj vortoj ambaŭ estas verboj--krom tiuj vortoj, kiuj prefikse uzas la verbon "fini". Ĉu vi povas trovi aliajn oftajn kunmetitajn vortojn de la tipo V+V?

darkweasel (Profil megtekintése) 2011. március 30. 12:29:37

Mi povus imagi ekz. ŝajndormi.

Sxak (Profil megtekintése) 2011. március 30. 12:40:39

kaŝrigardi,ŝteliri,...

Altebrilas (Profil megtekintése) 2011. március 30. 12:44:03

mortpafi, vundbruli, brulkonsumi, pagipova, pruntedoni...

Mi persone opinias, ke la dispartigo de radikoj laŭ sintaksaj kategorioj (noma, verba, adjektiva) ne estas sufiĉa. Mi kredas, ke semantika dispartigo estas pli proksima al la realo (ada, eca, ula, aĵa, ila, ktp). Fakte, devus esti tiel multe da kategorioj kiel eblaj kombinaĵoj de semantikaj rilatoj inter nomo, verbo, adjektivo kaj adverbo.

darkweasel (Profil megtekintése) 2011. március 30. 13:05:57

Plia ekzemplo estas prefiksa uzo de fuŝ-.

Kirilo81 (Profil megtekintése) 2011. március 30. 15:02:14

preniri (aŭ irpreni? mi forgesadas la ĝustan sinsekvon. okulumo.gif)

Fakte en la plejmulto de la ekzemploj la (laŭ morfemklaso) verba flankelemento havas neverban interpreton, ofte adverban.
Entute vere verbaj kunmetaĵoj estas maloftegaj en la lingvoj de la mondo, simple ĉar verboj ne taŭgas por tiu speco de vortfarado.

T0dd (Profil megtekintése) 2011. március 30. 18:35:39

Dankon pro la ekzemploj. Mi devas konfesi ke vundbruli estas iom timiga.

Mi konsentas, ke la unua verbo uziĝas adverbe en ĉi tiuj ekzemploj. Tio estas ankaŭ ofte (sed ne ĉiam) vera en S+V kunmetitaj verboj, ekzemple fingromontri.

Ĉu vi kredas ke voldiri estas taŭga kunmetita verbo?

darkweasel (Profil megtekintése) 2011. március 30. 18:47:19

T0dd:
Ĉu vi kredas ke voldiri estas taŭga kunmetita verbo?
Kion ĝi signifu?

Ĉiuokaze vi memorigis min pri plia oftega verbo: scivoli

T0dd (Profil megtekintése) 2011. március 30. 18:59:07

Eble dirvoli estas pli senchava. Ĝi signifu... volas diri / vouloir dire / to mean / meinen--- en la senco laŭ kiu homoj (ne aferoj) celas ion, per diri ion.

darkweasel (Profil megtekintése) 2011. március 30. 19:04:02

T0dd:Eble dirvoli estas pli senchava. Ĝi signifu... volas diri / vouloir dire / to mean / meinen--- en la senco laŭ kiu homoj (ne aferoj) celas ion, per diri ion.
Jes, dirvoli evidente sencohavas - kaj laŭ mi ankaŭ ĉiu alia kombino de ajna aga radiko kun voli.

Vissza a tetejére