Mergi la conținut
Răspunde

Verbo + Verbo

de T0dd, 30 martie 2011

Contribuții/Mesaje: 24

Limbă: Esperanto

T0dd (Arată profil) 30 martie 2011, 12:05:07

Ŝajnas al mi, ke ne estas multaj kunmetitaj vortoj en Esperanto, kies radikaj vortoj ambaŭ estas verboj--krom tiuj vortoj, kiuj prefikse uzas la verbon "fini". Ĉu vi povas trovi aliajn oftajn kunmetitajn vortojn de la tipo V+V?

darkweasel (Arată profil) 30 martie 2011, 12:29:37

Mi povus imagi ekz. ŝajndormi.

Sxak (Arată profil) 30 martie 2011, 12:40:39

kaŝrigardi,ŝteliri,...

Altebrilas (Arată profil) 30 martie 2011, 12:44:03

mortpafi, vundbruli, brulkonsumi, pagipova, pruntedoni...

Mi persone opinias, ke la dispartigo de radikoj laŭ sintaksaj kategorioj (noma, verba, adjektiva) ne estas sufiĉa. Mi kredas, ke semantika dispartigo estas pli proksima al la realo (ada, eca, ula, aĵa, ila, ktp). Fakte, devus esti tiel multe da kategorioj kiel eblaj kombinaĵoj de semantikaj rilatoj inter nomo, verbo, adjektivo kaj adverbo.

darkweasel (Arată profil) 30 martie 2011, 13:05:57

Plia ekzemplo estas prefiksa uzo de fuŝ-.

Kirilo81 (Arată profil) 30 martie 2011, 15:02:14

preniri (aŭ irpreni? mi forgesadas la ĝustan sinsekvon. okulumo.gif)

Fakte en la plejmulto de la ekzemploj la (laŭ morfemklaso) verba flankelemento havas neverban interpreton, ofte adverban.
Entute vere verbaj kunmetaĵoj estas maloftegaj en la lingvoj de la mondo, simple ĉar verboj ne taŭgas por tiu speco de vortfarado.

T0dd (Arată profil) 30 martie 2011, 18:35:39

Dankon pro la ekzemploj. Mi devas konfesi ke vundbruli estas iom timiga.

Mi konsentas, ke la unua verbo uziĝas adverbe en ĉi tiuj ekzemploj. Tio estas ankaŭ ofte (sed ne ĉiam) vera en S+V kunmetitaj verboj, ekzemple fingromontri.

Ĉu vi kredas ke voldiri estas taŭga kunmetita verbo?

darkweasel (Arată profil) 30 martie 2011, 18:47:19

T0dd:
Ĉu vi kredas ke voldiri estas taŭga kunmetita verbo?
Kion ĝi signifu?

Ĉiuokaze vi memorigis min pri plia oftega verbo: scivoli

T0dd (Arată profil) 30 martie 2011, 18:59:07

Eble dirvoli estas pli senchava. Ĝi signifu... volas diri / vouloir dire / to mean / meinen--- en la senco laŭ kiu homoj (ne aferoj) celas ion, per diri ion.

darkweasel (Arată profil) 30 martie 2011, 19:04:02

T0dd:Eble dirvoli estas pli senchava. Ĝi signifu... volas diri / vouloir dire / to mean / meinen--- en la senco laŭ kiu homoj (ne aferoj) celas ion, per diri ion.
Jes, dirvoli evidente sencohavas - kaj laŭ mi ankaŭ ĉiu alia kombino de ajna aga radiko kun voli.

Înapoi mai sus