Al la enhavo
Respondi

La konkurso pri 100.000 uzantoj estas finita

de Jev, 2011-aŭgusto-07

Mesaĝoj: 24

Lingvo: Esperanto

Jev (Montri la profilon) 2011-aŭgusto-29 16:12:41

darkweasel:
Al la angla kaj la germana mi jam fintradukis. rideto.gif
Cetere se vi povas, traduku ankaŭ la novaĵon al la germana. Ni volos baldaŭ dissendi ĝin al niaj uzantoj.

darkweasel (Montri la profilon) 2011-aŭgusto-29 16:14:54

Jev:
darkweasel:Al la angla kaj la germana mi jam fintradukis. rideto.gif
Ho.. vi estas ege rapida. Grandan dankon.
Nedankinde, fakte mi nur hazarde rigardis en la traduksistemon ĝuste post la apero de tiuj novaj ĉenoj.

La vera kialo, ke mi rigardis tien, estas jena (jes, iom ekstertema): La germanlingva traduko estas centelcente finita, sed certaj menueroj (ekz Hilfe → RSS, Über lernu! → Mitarbeiter kaj suberoj, Über lernu! → Praktische Hilfe kaj suberoj) tamen aperas grize kaj se oni klakas ilin, aperas mesaĝo, ke la traduko ne estas finita. Kial?

Jev (Montri la profilon) 2011-aŭgusto-29 16:22:28

darkweasel:tamen aperas grize kaj se oni klakas ilin, aperas mesaĝo, ke la traduko ne estas finita. Kial?
Dankon pro la atentigo. Tiuj aferoj lastatempe ŝanĝiĝis, sed ni ankoraŭ ne ĝisdatigis la modulojn de la enhavo. Ni faros tion tuj.

Jev (Montri la profilon) 2011-aŭgusto-29 19:54:07

Ĉiuj tradukantoj rapide reagis kaj dum tre mallonga tempo aldoniĝis tradukoj al pluraj lingvoj. Do ne plu indas atendi, mi simple videbligis [url=/mia_lernu/konkursoj/centmil/rezulto.php]la paĝon[/url]. Estus bone, se vi nun ĉiuj testus ĝin kaj lasus viajn voĉojn por la plej bonaj laboraĵoj.

Mi ankaŭ petas disvastigi la informojn en diversaj nacilingvaj forumoj, sociaj retoj kaj viaj amikoj. Mi jam videbligis la novaĵon pri la voĉdonado, ĝi aperas en la ĉefpaĝo. Indas atentigi niajn uzantojn pri ĝi en diversaj nacilingvaj forumoj ĉe lernu! Dankon al ĉiuj.

Chainy (Montri la profilon) 2011-septembro-08 16:53:52

Estas tiel multe da lingvaj eraroj en la bildoj! Ĉu oni poste korektos ilin? En iuj okazoj, oni eble povus diri ke la bildo estas bona, sed la lingvaj eraroj fuŝas ĉion.

Kaj mi pensas, ke estus pli bone, se oni ne montrus la nombron da voĉoj, ĉar tio povas influi la elekton.

Chainy (Montri la profilon) 2011-septembro-08 16:59:10

Eĉ en la ĝisnune plej populara bildo, oni fuŝe alvokas 'Lernu Esperanto!' sen la n-finaĵo!

Jev (Montri la profilon) 2011-septembro-10 12:56:24

Chainy:Kaj mi pensas, ke estus pli bone, se oni ne montrus la nombron da voĉoj, ĉar tio povas influi la elekton.
Ni planas malvidebligi la voĉojn unu semajnon antaŭ la fino.

darkweasel (Montri la profilon) 2011-septembro-10 14:21:40

Chainy:Eĉ en la ĝisnune plej populara bildo, oni fuŝe alvokas 'Lernu Esperanto!' sen la n-finaĵo!
kial? la demando ja vere evidente estas nur, KION lernu esperanto! rido.gif rido.gif

Leporino (Montri la profilon) 2011-septembro-10 17:06:29

Ĉu eblas, ke la uzantoj en Ĉinio ne povas vidi la videojn ĉe Youtube? Sur la mapo de la mondo sub la videoj oni ja povas vidi, de kiuj landoj la spektantoj estas:
Kelkaj spektantoj = helverda - multaj spektantoj = malhelverda. Ĉinio estas blanka?! demando.gif

darkweasel (Montri la profilon) 2011-septembro-10 17:32:15

Leporino:Ĉu eblas, ke la uzantoj en Ĉinio ne povas vidi la videojn ĉe Youtube?
Jes, tio estas miascie ĝusta, ĉar la tiea registaro cenzuras la interreton. Tamen per proksio tio devus funkcii.

Reen al la supro