Więcej
Odpowiedz

La konkurso pri 100.000 uzantoj estas finita

od Jev, 7 sierpnia 2011

Wpisy: 24

Język: Esperanto

Jev (Pokaż profil) 29 sierpnia 2011, 16:12:41

darkweasel:
Al la angla kaj la germana mi jam fintradukis. rideto.gif
Cetere se vi povas, traduku ankaŭ la novaĵon al la germana. Ni volos baldaŭ dissendi ĝin al niaj uzantoj.

darkweasel (Pokaż profil) 29 sierpnia 2011, 16:14:54

Jev:
darkweasel:Al la angla kaj la germana mi jam fintradukis. rideto.gif
Ho.. vi estas ege rapida. Grandan dankon.
Nedankinde, fakte mi nur hazarde rigardis en la traduksistemon ĝuste post la apero de tiuj novaj ĉenoj.

La vera kialo, ke mi rigardis tien, estas jena (jes, iom ekstertema): La germanlingva traduko estas centelcente finita, sed certaj menueroj (ekz Hilfe → RSS, Über lernu! → Mitarbeiter kaj suberoj, Über lernu! → Praktische Hilfe kaj suberoj) tamen aperas grize kaj se oni klakas ilin, aperas mesaĝo, ke la traduko ne estas finita. Kial?

Jev (Pokaż profil) 29 sierpnia 2011, 16:22:28

darkweasel:tamen aperas grize kaj se oni klakas ilin, aperas mesaĝo, ke la traduko ne estas finita. Kial?
Dankon pro la atentigo. Tiuj aferoj lastatempe ŝanĝiĝis, sed ni ankoraŭ ne ĝisdatigis la modulojn de la enhavo. Ni faros tion tuj.

Jev (Pokaż profil) 29 sierpnia 2011, 19:54:07

Ĉiuj tradukantoj rapide reagis kaj dum tre mallonga tempo aldoniĝis tradukoj al pluraj lingvoj. Do ne plu indas atendi, mi simple videbligis [url=/mia_lernu/konkursoj/centmil/rezulto.php]la paĝon[/url]. Estus bone, se vi nun ĉiuj testus ĝin kaj lasus viajn voĉojn por la plej bonaj laboraĵoj.

Mi ankaŭ petas disvastigi la informojn en diversaj nacilingvaj forumoj, sociaj retoj kaj viaj amikoj. Mi jam videbligis la novaĵon pri la voĉdonado, ĝi aperas en la ĉefpaĝo. Indas atentigi niajn uzantojn pri ĝi en diversaj nacilingvaj forumoj ĉe lernu! Dankon al ĉiuj.

Chainy (Pokaż profil) 8 września 2011, 16:53:52

Estas tiel multe da lingvaj eraroj en la bildoj! Ĉu oni poste korektos ilin? En iuj okazoj, oni eble povus diri ke la bildo estas bona, sed la lingvaj eraroj fuŝas ĉion.

Kaj mi pensas, ke estus pli bone, se oni ne montrus la nombron da voĉoj, ĉar tio povas influi la elekton.

Chainy (Pokaż profil) 8 września 2011, 16:59:10

Eĉ en la ĝisnune plej populara bildo, oni fuŝe alvokas 'Lernu Esperanto!' sen la n-finaĵo!

Jev (Pokaż profil) 10 września 2011, 12:56:24

Chainy:Kaj mi pensas, ke estus pli bone, se oni ne montrus la nombron da voĉoj, ĉar tio povas influi la elekton.
Ni planas malvidebligi la voĉojn unu semajnon antaŭ la fino.

darkweasel (Pokaż profil) 10 września 2011, 14:21:40

Chainy:Eĉ en la ĝisnune plej populara bildo, oni fuŝe alvokas 'Lernu Esperanto!' sen la n-finaĵo!
kial? la demando ja vere evidente estas nur, KION lernu esperanto! rido.gif rido.gif

Leporino (Pokaż profil) 10 września 2011, 17:06:29

Ĉu eblas, ke la uzantoj en Ĉinio ne povas vidi la videojn ĉe Youtube? Sur la mapo de la mondo sub la videoj oni ja povas vidi, de kiuj landoj la spektantoj estas:
Kelkaj spektantoj = helverda - multaj spektantoj = malhelverda. Ĉinio estas blanka?! demando.gif

darkweasel (Pokaż profil) 10 września 2011, 17:32:15

Leporino:Ĉu eblas, ke la uzantoj en Ĉinio ne povas vidi la videojn ĉe Youtube?
Jes, tio estas miascie ĝusta, ĉar la tiea registaro cenzuras la interreton. Tamen per proksio tio devus funkcii.

Wróć do góry