Til innholdet
Svare

Esperantaj silaboj

fra Vilius,2012 9 5

Meldinger: 23

Språk: Esperanto

Vilius (Å vise profilen) 2012 9 5 18:17:56

Kiel vi fendus ĉi tiujn vortojn al silaboj:
ekrano → ek·ra·no aŭ e·kra·no
ekradii → ek·ra·di·i aŭ e·kra·di·i
panjo → pan·jo aŭ pa·njo
sinjoro → sin·jo·ro aŭ si·njo·ro

La problemo estas, ke (laŭ Vikipedia artikolo) silaboj povas esti fenditaj en ambaŭ variantoj - per ·kr kaj per k·r, kaj analogie per ·nj kaj n·j. Kaj povas esti pli da similaj ekzemploj.
Do, jen la demando: ĉu ni preferu, ke limo inter du silaboj ne fendu morfemon (kiam tio eblas)?

darkweasel (Å vise profilen) 2012 9 5 20:21:17

Kie tio eblas, estas preferinde disigi laŭ vortelementoj - do certe ek·radii kaj pa·njo.

Se oni skribus ek·rano, la leganto povus unue pensi pri la absurda signifo "komenco de agado kiel rano". Ŝajnas preferinde disigi e·krano, sed fakte tiam oni same bone povas meti la tutan vorton en la novan linion.

Sin·joro ŝajnas al mi pli bona ol si·njoro.

Hyperboreus (Å vise profilen) 2012 9 5 22:47:32

Forigite

cellus (Å vise profilen) 2012 9 6 07:09:05

Mi supozas ke multaj proponas la metodon kiun ili havas en sia gepatra lingvo. Do mi volas miksitan metodon, divido laŭ elementoj kaj kiam tio neeblas oni metas la lastan konsonanton en konsonantaro al la sekva linio> elementa patr-o; pat-ro; ek-in-te-res-iĝ-i.

Vilius (Å vise profilen) 2012 9 6 09:12:45

Ĉu iu scias la fonton de ĉi tiu sekcio en Vikipedio: http://en.wikipedia.org/wiki/Esperanto_phonology#P...

Dankon, darkweasel kaj Hyperboreus. Mi pli-malpli samopinias kun vi. Mia demando estas ĝuste pri fonetikaj silaboj, ne pri vortdivido inter linioj.

darkweasel (Å vise profilen) 2012 9 6 11:15:41

Vilius:Mia demando estas ĝuste pri fonetikaj silaboj, ne pri vortdivido inter linioj.
Ah, do forgesu mian respondon, tion mi ŝajne miskomprenis. malgajo.gif

Ondo (Å vise profilen) 2012 9 6 11:46:33

Vilius:Ĉu iu scias la fonton de ĉi tiu sekcio en Vikipedio: http://en.wikipedia.org/wiki/Esperanto_phonology#P...
Mi ne scias la fonton, sed ĝi ŝajnas verkita ne malbone. Mi suspektas, ke inter la fontoj aŭ inspirintoj de la teksto troviĝas Wells aŭ Oostendorp aŭ ambaŭ. Precipe Oostendorp verkis pri la sonaranĝaj reguloj de Esperanto (fonotaktiko). Vidu ekzemple ĉi tion: Syllable structure in Esperanto as an instantiation of universal phonology

Vilius (Å vise profilen) 2012 9 6 12:14:00

darkweasel:Ah, do forgesu mian respondon, tion mi ŝajne miskomprenis. malgajo.gif
Tamen, via respondo estas entute taŭga ridulo.gif

Vilius (Å vise profilen) 2012 9 6 12:19:05

Ondo:Mi ne scias la fonton, sed ĝi ŝajnas verkita ne malbone. Mi suspektas, ke inter la fontoj aŭ inspirintoj de la teksto troviĝas Wells aŭ Oostendorp aŭ ambaŭ. Precipe Oostendorp verkis pri la sonaranĝaj reguloj de Esperanto (fonotaktiko). Vidu ekzemple ĉi tion: Syllable structure in Esperanto as an instantiation of universal phonology
Dan·ke·gon! Precipe tion mi serĉis.

Hyperboreus (Å vise profilen) 2012 9 6 17:16:21

Forigite

Tibake til toppen