У садржају
Одговорити

Plaĉi

од guyjohnston, 26. март 2008.

Поруке: 60

Језик: Esperanto

mnlg (Погледати профил) 26. март 2008. 17.20.54

RiotNrrd:Kio signifas la frazon "Mi plaĉas"? (Angle, "I please".)
"Mi plaĉas" (mi estas plaĉa) en la angla tradukiĝas al "I am pleasant".

"La filmo plaĉas", angle fariĝas "The movie is pleasant" (aŭ "enjoyable", ktp).

Angla frazo "I please (you)", en la signifo de "I am pleasing (you)" (I am giving pleasure (to you)), fariĝas en esperanto "Mi plezurigas (vin)". En la itala, "plezurigi" estas "dilettare".

Miland (Погледати профил) 26. март 2008. 18.49.12

PIV 2005 ja havas apud la vorto plaĉi, '(ntr)'. Sed la difinoj klare implicas objekton, kaj ĉiuj la sekvantaj ekzemploj havas objektojn, senescepte. Ĉiu ĉi tio montras ke la verbo, almenaŭ en ĝia kutima uzado, estas transitiva.
Tial, mi konkludas, ne tro facile, ke estas eraro en PIV 2005 pri ĉi tiu temo, supozante ke ne temas pri tipograferaro. Mi konsentas al CEED. Mi trastrekis la 'n' per krajono en mia ekzemplero de PIV 2005!

Jasminka (Погледати профил) 26. март 2008. 19.55.52

Pri plaĉi kaj ŝati en PMEG.

Se en PIV estas multaj stultaĵoj, ni povas fidi je Bertilo. rideto.gif

Filu (Погледати профил) 26. март 2008. 20.40.10

Jasminka:Pri plaĉi kaj ŝati en PMEG.

Se en PIV estas multaj stultaĵoj, ni povas fidi je Bertilo. rideto.gif
...por ilin spuri, trovi, dokumenti, komenti, ktp. lango.gif
Vidu per vi mem!

Miland (Погледати профил) 26. март 2008. 21.39.32

Dankon por la paĝcito, en kiu mi vidis - ke plaĉi estas akompanata de al-komplimento, t.e. al plus la objekto de la verbo! Tial plaĉi ja estas transitiva. Sed mi skribis al lerta E-isto pri ĉi tiu interesa demando, kaj eble havos respondon en iom da tagoj se li ne estas tro okupita.

RiotNrrd (Погледати профил) 27. март 2008. 00.45.52

Mi konsultis la "Plena Vortaro De Esperanto Kun Suplemento" (Grosjean-Maupin, Waringhien, 1988), kaj ĝi diras ke "plaĉi" estas netransitiva.

Hmmm... se la PIV kaj tiu vortaro (kaj ankaŭ mnlg kaj Jasminka, kiujn mi kredas scias kion ili pridiras) diras tiel, mi koncedas ke la CEED (kaj mi) estas malprava.

Filu (Погледати профил) 27. март 2008. 01.34.39

Ankaŭ La tuta Esperanto mencias la netransitivecon de plaĉi.

- Trodaŭrigema Filu

P.S. Ĉu "ŝajnas al mi" mallongigeblas en "ŝajnas min"?

RiotNrrd (Погледати профил) 27. март 2008. 01.56.55

Mi lernas novion, ĉiutage!

Miland (Погледати профил) 27. март 2008. 12.02.00

Atendante respondojn de amikoj al kiuj mi skribis pri ĉi tiu demando, pripensante ĝin dumtempe, venis en mia kapo alia kialo por konsideri plaĉi kiel transitiva. Kiam ni volas igi transitivan verbon netransitiva, ni metas iĝ en ĝi.
Se ni volus diri ke io ne plaĉis al ni antaŭe, sed nun plaĉas al ni, ni dirus ke ĝi plaĉiĝis al ni, ĉu ne? Precize kiel ni igus transitivan verbon netransitiva!

sergejm (Погледати профил) 27. март 2008. 12.22.42

Miland:
Se ni volus diri ke io ne plaĉis al ni antaŭe, sed nun plaĉas al ni, ni dirus ke ĝi plaĉiĝis al ni, ĉu ne? Precize kiel ni igus transitivan verbon netransitiva!
Se ni aldonas -iĝi al transitiva verbo, ni faras objekton subjekto:
iu(aŭ neniu) malfermis pordon - pordo malfermiĝis
mia patrino naskis min - mi naskiĝis

Se ni aldonas -iĝi al netransitiva verbo, ni dekomence faras ĝin transitiva, aldonante -igi, kaj post aldono de -iĝi forigas -ig-.

Do via ekzemplo pruvas netransitivecon de plaĉi:
iu plaĉigis ĝin al ni - ĝi plaĉiĝis al ni

Вратите се горе