Skip to the content
Reply

Interslavic language//Interslava lingvo//Medžuslovjansky jezyk

by KatjaMcFlores, October 23, 2020

Messages: 444

Language: Esperanto

nornen (User's profile) November 18, 2021, 9:31:46 PM

StefKo:
nornen:He tako davno…Zapametali jesmo nomery telefonov. Zapametali jesmo ulice i adresy. Nikto ne znal, kako izgledamo. Nikto ne mogl s nami skontaktovati. My byli bogi.
Tako je tut.

PS.
Čo je "He"?
...Ne. Napravim.

nornen (User's profile) November 23, 2021, 5:56:36 PM

Naivnost Dětet

Kogda dorastal jesm, dověděl jesm, že najmnogo vozrastlyh ne sut mudri. V dětstvu, iměl jesm sumněnja, ale ne myslil jesm, že situacija je tako zla.

nornen (User's profile) November 23, 2021, 7:31:32 PM

Entuziasti tehnologije: Vsečto v mojem domu je podključeno k “internetu věčij”. Ja kontrolujem vse svojim smartfonom. Moj smart-dom imaje funkciju bluetooth i mogem dati glasove razporedženja črěz Alexu. Ja ljubim budučnost!

Programisti / inženjeri: Najnovějši apparat v mojem domu, to je printer iz 2004 goda. Vsegda imaju nabivany pistolet pored njego na vsaky slučaj, ako on vydal by neznajemy zvuk.

StefKo (User's profile) November 24, 2021, 11:36:29 AM

nornen:Naivnost Dětet

Kogda dorastal jesm, dověděl jesm, že najmnogo vozrastlyh ne sut mudri. V dětstvu, iměl jesm sumněnje sumněnja, ale ne myslil jesm, že situacija je tako zla.
"najmnogo ne sut" li "najmnogo ne je"?

nornen (User's profile) November 24, 2021, 2:46:12 PM

StefKo:"najmnogo ne sut" li "najmnogo ne je"?
Tože pytanje, kako s Katjeju:

Kogda podmet je po gramatikě jedinstveny, ale po značenju množstveny, trěba li upotrěbiti jedinstveny glagol, li množstveny glagol?

Ja ne znam.

A) najmnogo vozrastlyh ne sut mudri
B) najmnogo vozrastlyh ne je mudro

Koje iz rěčenij zvuči naturalněje?

nornen (User's profile) November 25, 2021, 10:46:38 PM

Oblegčenje

Včera šel jesm do vražky. Ona mi skazala, že za devetju lět natrpim se razbitym srdcem. Daby oblegčiti šok, směsta kupil jesm ščene.

Vozrastlost

Sego dnja, kogda prijehal jesm na rabotu, nikto ne sprosil me, kako bystro ja mogem poběgti v svojih novyh obuvkah. Byti vozrastly je hrěnovo.

Vozrastlost II

Odkogda doradl jesm, nikto iz mojih drugov ne spraša me, koj je moj omiljeny dinozavr. Prosto ne dbajut o tom.

nornen (User's profile) December 8, 2021, 2:00:12 PM

Filozofične Školy

Pesimist vidi temny tunel.
Optimist vidi světlo v koncu tunela.
Realist vidi reflektory želěznice.
Provodnik želěznice vidi trěh kretenov, stoječih na kolějah.

- - - -

Filozofija Moljev

Može žitje opira se ne na najdenju najlěpšej lampy, ale na najdenju lampy vnutri tebe.

nornen (User's profile) December 8, 2021, 3:18:11 PM

V roku 1688 Molyneux sprosil: Jestli slěpec ot urodženja, ktory može razpoznati prěz dotyk geometrične formy, take jako sfery i kuby, iziskal by možlivost zrěnja, on li mogl by razpoznati teže formy toliko prěz zrěnje?

V roku 2003 to pytanje bylo odgovorjeno, kogda pet ljudij iziskali zrěnje posrědstvom hirurgije. Odgovor glasi: ne.

- - - -

Věža Babilonije

Biologija je toliko priměnjena hemija.
Hemija je toliko priměnjena fizika.
Fizika je toliko priměnjena matematika.
Matematika je toliko priměnjena filozofija.
Filozofija je toliko bočny produkt nedorazuměnogo jezyka.

- - - -

Gotovnost

Kogda učenik je gotov, učitelj pojavi se.
Kogda učenik je istinno gotov, učitelj izčeza.

– Lao Cu

- - - -

Iz Slovnika

Ubuntu:
1. Južnoafrikanska filozofija.
2. Južnoafrikansko slovo, značeče “Ne uměm skonfigurovati Debian”.

StefKo (User's profile) December 8, 2021, 3:51:28 PM

@nornen: zvuči li glasi?

nornen (User's profile) December 8, 2021, 3:59:18 PM

StefKo:@nornen: zvuči li glasi?
Hvala, Stefko. “Glasiti” je glagol, ktory iskal jesm. Napravil jesm svoj tekst.

Back to the top