Skip to the content
Reply

Kiam estas ĉi-nokte?

by Roberto12, November 9, 2021

Messages: 13

Language: Esperanto

Roberto12 (User's profile) November 9, 2021, 1:30:16 PM

Ĉu la vorto ĉi-nokte signifas "en la venanta nokto" aŭ "en la plej proksima nokto"? Mi ĉiam kredis ke estas la unua, sed ĵuse mi vidis ekzemplon de la dua. Tio estas, se oni parolas/skribas vespere kaj diras "ĉi-nokte mi (io)" klare tiu nokto estas la venanta. Sed se oni parolas matene, ĉu tiu nokto estas hieraŭa?

Roberto12 (User's profile) November 10, 2021, 8:43:06 AM

(venanta > venonta. *ĵuse > antaŭ mallonge)

StefKo (User's profile) November 10, 2021, 4:19:27 PM

Laŭ mi: "ĉi-nokte" signifas "en la nokto pri kiu oni parolas/skribas/pensas", do ĉio dependas de kunteksto.

KatjaMcFlores (User's profile) November 10, 2021, 7:33:18 PM

Saluton, Roberto.
Fakte, la vorto "ĉi-nokte" povas havi ambaŭ signifojn, kies ekzaktan sencon en kuntekstoj difinas la tempo-formo de aplikataj verboj, kiuj kutime ĉe-estas en frazoj kun ĉi-vorto.
Krom tio, por plia precizeco, oni povas uzi la kombinaĵojn "pasint-nokte" kaj "venont-nokte".

Roberto12 (User's profile) November 10, 2021, 8:45:39 PM

Dankon, ambaŭ. La problemo estas solvita.

Metsis (User's profile) November 11, 2021, 12:34:32 PM

Roberto12

Mi samopinias kun vi, ke "ĉi-nokte" montras la venontan aŭ ĵus nun pasantan nokton. Kiam temas pri nokto, kiu jam pasis, mi uzas aliajn esprimojn. Ekzemple:
  • (estas hodiaŭa tago) Mi dormos ĉi-nokte/venontnokte ekstere en tendo.
  • (alvenas la nokto) Mi dormas ĉi-nokte ekstere en tendo.
  • (alvenas morgaŭa tago) Mi dormis pasintnokte ekstere en tendo.
  • (post kelkaj tagoj) Mi dormis tiu nokte ekstere en tendo.

Roberto12 (User's profile) November 12, 2021, 9:02:29 AM

Tio ne estas malbona ideo. (Teldo => tendo, ĉu?)

Metsis (User's profile) November 16, 2021, 1:15:59 PM

Roberto12:Tio ne estas malbona ideo. (Teldo => tendo, ĉu?)
Aĥ, kompreneble tendo.

walfino (User's profile) November 17, 2021, 3:10:50 AM

Laŭ mi, ĉi nokte signifas hodiaŭ nokte.

nornen (User's profile) November 17, 2021, 3:26:10 PM

walfino:Laŭ mi, ĉi nokte signifas hodiaŭ nokte.
La demando estas: ĉu "ĉi-nokte" signifas la nokton, kiam komenciĝis la hodiaŭa tago, ĉu la nokton, kiam finiĝos la hodiaŭa tago, ĉu ambaŭ noktojn?

Back to the top