Ke daftar isi
Balas

Kiam estas ĉi-nokte?

dari Roberto12, 9 November 2021

Pesan: 13

Bahasa: Esperanto

Roberto12 (Tunjukkan profil) 9 November 2021 13.30.16

Ĉu la vorto ĉi-nokte signifas "en la venanta nokto" aŭ "en la plej proksima nokto"? Mi ĉiam kredis ke estas la unua, sed ĵuse mi vidis ekzemplon de la dua. Tio estas, se oni parolas/skribas vespere kaj diras "ĉi-nokte mi (io)" klare tiu nokto estas la venanta. Sed se oni parolas matene, ĉu tiu nokto estas hieraŭa?

Roberto12 (Tunjukkan profil) 10 November 2021 08.43.06

(venanta > venonta. *ĵuse > antaŭ mallonge)

StefKo (Tunjukkan profil) 10 November 2021 16.19.27

Laŭ mi: "ĉi-nokte" signifas "en la nokto pri kiu oni parolas/skribas/pensas", do ĉio dependas de kunteksto.

KatjaMcFlores (Tunjukkan profil) 10 November 2021 19.33.18

Saluton, Roberto.
Fakte, la vorto "ĉi-nokte" povas havi ambaŭ signifojn, kies ekzaktan sencon en kuntekstoj difinas la tempo-formo de aplikataj verboj, kiuj kutime ĉe-estas en frazoj kun ĉi-vorto.
Krom tio, por plia precizeco, oni povas uzi la kombinaĵojn "pasint-nokte" kaj "venont-nokte".

Roberto12 (Tunjukkan profil) 10 November 2021 20.45.39

Dankon, ambaŭ. La problemo estas solvita.

Metsis (Tunjukkan profil) 11 November 2021 12.34.32

Roberto12

Mi samopinias kun vi, ke "ĉi-nokte" montras la venontan aŭ ĵus nun pasantan nokton. Kiam temas pri nokto, kiu jam pasis, mi uzas aliajn esprimojn. Ekzemple:
  • (estas hodiaŭa tago) Mi dormos ĉi-nokte/venontnokte ekstere en tendo.
  • (alvenas la nokto) Mi dormas ĉi-nokte ekstere en tendo.
  • (alvenas morgaŭa tago) Mi dormis pasintnokte ekstere en tendo.
  • (post kelkaj tagoj) Mi dormis tiu nokte ekstere en tendo.

Roberto12 (Tunjukkan profil) 12 November 2021 09.02.29

Tio ne estas malbona ideo. (Teldo => tendo, ĉu?)

Metsis (Tunjukkan profil) 16 November 2021 13.15.59

Roberto12:Tio ne estas malbona ideo. (Teldo => tendo, ĉu?)
Aĥ, kompreneble tendo.

walfino (Tunjukkan profil) 17 November 2021 03.10.50

Laŭ mi, ĉi nokte signifas hodiaŭ nokte.

nornen (Tunjukkan profil) 17 November 2021 15.26.10

walfino:Laŭ mi, ĉi nokte signifas hodiaŭ nokte.
La demando estas: ĉu "ĉi-nokte" signifas la nokton, kiam komenciĝis la hodiaŭa tago, ĉu la nokton, kiam finiĝos la hodiaŭa tago, ĉu ambaŭ noktojn?

Kembali ke atas