Đi đến phần nội dung
Trả lời

Kiam estas ĉi-nokte?

viết bởi Roberto12, Ngày 09 tháng 11 năm 2021

Tin nhắn: 13

Nội dung: Esperanto

Roberto12 (Xem thông tin cá nhân) 13:30:16 Ngày 09 tháng 11 năm 2021

Ĉu la vorto ĉi-nokte signifas "en la venanta nokto" aŭ "en la plej proksima nokto"? Mi ĉiam kredis ke estas la unua, sed ĵuse mi vidis ekzemplon de la dua. Tio estas, se oni parolas/skribas vespere kaj diras "ĉi-nokte mi (io)" klare tiu nokto estas la venanta. Sed se oni parolas matene, ĉu tiu nokto estas hieraŭa?

Roberto12 (Xem thông tin cá nhân) 08:43:06 Ngày 10 tháng 11 năm 2021

(venanta > venonta. *ĵuse > antaŭ mallonge)

StefKo (Xem thông tin cá nhân) 16:19:27 Ngày 10 tháng 11 năm 2021

Laŭ mi: "ĉi-nokte" signifas "en la nokto pri kiu oni parolas/skribas/pensas", do ĉio dependas de kunteksto.

KatjaMcFlores (Xem thông tin cá nhân) 19:33:18 Ngày 10 tháng 11 năm 2021

Saluton, Roberto.
Fakte, la vorto "ĉi-nokte" povas havi ambaŭ signifojn, kies ekzaktan sencon en kuntekstoj difinas la tempo-formo de aplikataj verboj, kiuj kutime ĉe-estas en frazoj kun ĉi-vorto.
Krom tio, por plia precizeco, oni povas uzi la kombinaĵojn "pasint-nokte" kaj "venont-nokte".

Roberto12 (Xem thông tin cá nhân) 20:45:39 Ngày 10 tháng 11 năm 2021

Dankon, ambaŭ. La problemo estas solvita.

Metsis (Xem thông tin cá nhân) 12:34:32 Ngày 11 tháng 11 năm 2021

Roberto12

Mi samopinias kun vi, ke "ĉi-nokte" montras la venontan aŭ ĵus nun pasantan nokton. Kiam temas pri nokto, kiu jam pasis, mi uzas aliajn esprimojn. Ekzemple:
  • (estas hodiaŭa tago) Mi dormos ĉi-nokte/venontnokte ekstere en tendo.
  • (alvenas la nokto) Mi dormas ĉi-nokte ekstere en tendo.
  • (alvenas morgaŭa tago) Mi dormis pasintnokte ekstere en tendo.
  • (post kelkaj tagoj) Mi dormis tiu nokte ekstere en tendo.

Roberto12 (Xem thông tin cá nhân) 09:02:29 Ngày 12 tháng 11 năm 2021

Tio ne estas malbona ideo. (Teldo => tendo, ĉu?)

Metsis (Xem thông tin cá nhân) 13:15:59 Ngày 16 tháng 11 năm 2021

Roberto12:Tio ne estas malbona ideo. (Teldo => tendo, ĉu?)
Aĥ, kompreneble tendo.

walfino (Xem thông tin cá nhân) 03:10:50 Ngày 17 tháng 11 năm 2021

Laŭ mi, ĉi nokte signifas hodiaŭ nokte.

nornen (Xem thông tin cá nhân) 15:26:10 Ngày 17 tháng 11 năm 2021

walfino:Laŭ mi, ĉi nokte signifas hodiaŭ nokte.
La demando estas: ĉu "ĉi-nokte" signifas la nokton, kiam komenciĝis la hodiaŭa tago, ĉu la nokton, kiam finiĝos la hodiaŭa tago, ĉu ambaŭ noktojn?

Quay lại