Skip to the content
Reply

Ĉu tiu frazo ĝustas?

by Genjix, September 8, 2010

Messages: 9

Language: Esperanto

Genjix (User's profile) September 8, 2010, 10:19:52 AM

"Ni esperu ke la vetero estos tiel bone kiel la lasta fojo."

Dankon.

tommjames (User's profile) September 8, 2010, 10:28:06 AM

Pri kio temas la elekto "A. aŭ B."? Mi vidas nur unu frazon.

antoniomoya (User's profile) September 8, 2010, 10:31:31 AM

Genjix:"Ni esperu ke la vetero estos tiel bone kiel la lasta fojo."
Mi kredas ke tiu frazo estas korekta, krom la vorto "bone". Mi dirus:

"Ni esperu ke la vetero estos tiel bona kiel la lasta fojo (aŭ lastfoje).

Amike.

sudanglo (User's profile) September 8, 2010, 11:29:17 AM

Por miaj oreloj 'lastfoje' pli bonas ol 'la lasta fojo'.

Ĉiukaze kutime oni uzas la akuzativon (aŭ la adverbon) kiam la senco estas je tiu okazo.

Do, 'Li ne venis la lastan mardon' aŭ 'Li ne venis marde'

Anstataŭ tiel/kiel (tamen ĝusta) vi povas diri 'same'

'Ni esperu ke la vetero same bonos kiel lastfoje.'

antoniomoya (User's profile) September 8, 2010, 11:44:56 AM

sudanglo:'Ni esperu ke la vetero same bonos kiel lastfoje.'
Tio estas, sendube, antaŭenira esperanto. rideto.gif

Amike.

Genjix (User's profile) September 8, 2010, 12:25:39 PM

Dankon. Mi provas kompreni ke kiel diferencas inter aŭ kiel aŭ tiel.

Lastfoje bone sonas.

darkweasel (User's profile) September 8, 2010, 12:27:30 PM

Laŭ mi, se oni ne volas diri lastfoje, oni diru la lastan fojon, ĉar temas pri mallongigo de ni esperu, ke la vetero estos same bona kiel ĝi estis la lastan fojon. Alie ŝajnas, ke vi komparas veteron al fojo ...

Miland (User's profile) September 8, 2010, 7:59:40 PM

Kun klara subjekto kiel la vetero, uzu bona. Vi estus ĝusta uzante bone, se via frazo ne havus klare difinitan subjekton, ekzemple "Ni esperu ke estos tiel bone kiel la lasta fojo".

darkweasel (User's profile) September 9, 2010, 5:09:08 AM

Miland:Kun klara subjekto kiel la vetero, uzu bona. Vi estus prava uzante bone, se via frazo ne havus klare difinitan subjekton, ekzemple "Ni esperu ke estos tiel bone kiel la lastan fojon".
sal.gif

Back to the top