Į turinį

surprizigi-surprizi

glig, 2011 m. gegužė 18 d.

Žinutės: 14

Kalba: Esperanto

glig (Rodyti profilį) 2011 m. gegužė 18 d. 19:49:59

Ĉu mi povas diri "surprizigi" anstataŭ "surprizi", por ekz., "tio surprizigis min" anstataŭ "tio surprizis min".
Mi ege dankas!

darkweasel (Rodyti profilį) 2011 m. gegužė 18 d. 20:04:57

Ne.

glig (Rodyti profilį) 2011 m. gegužė 18 d. 20:08:12

darkweasel:Ne.
Bone, sed post ĉiu respondo devas stari ankaŭ ia ekspliko. Do, kia estas via ekspliko?

darkweasel (Rodyti profilį) 2011 m. gegužė 18 d. 20:12:59

glig:
darkweasel:Ne.
Bone, sed post ĉiu respondo devas stari ankaŭ ia ekspliko. Do, kia estas via ekspliko?
Ĉu? Nu, tutsimple ĉar surprizigi signifas "fari, ke iu surprizu aliulon".

Miland (Rodyti profilį) 2011 m. gegužė 18 d. 20:17:20

Surprizi estas transitiva verbo, t.e. ĝi prenas rektan objekton. Do, oni diru Tio surprizis min aŭ eble Mi surpriziĝis per tio.

glig (Rodyti profilį) 2011 m. gegužė 18 d. 20:21:19

Miland:Surprizi estas transitiva verbo, t.e. ĝi prenas rektan objekton. Do, oni diru Tio surprizis min aŭ eble Mi surpriziĝis per tio.
Ehh, tiuj transitivaj kaj netransitivaj verboj lango.gif

Dankon!

geo63 (Rodyti profilį) 2011 m. gegužė 19 d. 06:21:55

glig:
Miland:Surprizi estas transitiva verbo, t.e. ĝi prenas rektan objekton. Do, oni diru Tio surprizis min aŭ eble Mi surpriziĝis per tio.
Ehh, tiuj transitivaj kaj netransitivaj verboj lango.gif

Dankon!
Transitiveco de verboj estas unu el la plej malfaĉilaj ecoj de esperanto. Eĉ la progresintoj faras multajn erarojn rilate al la transitivaj verboj. Do ne ĝemu, sed lernu ĉiun verbon kun ĝia transitiveco.

sudanglo (Rodyti profilį) 2011 m. gegužė 19 d. 11:32:56

Mi gratas la kapon por imagi en kiuj cirkonstancoj vi volus suprizigi vin - igi vin surpriza.

Ĉu temas pri kostum-festo en kio, tiu kiu portas la plej suprizan kostumon gajnos premion?

darkweasel (Rodyti profilį) 2011 m. gegužė 19 d. 19:29:35

geo63:Do ne ĝemu, sed lernu ĉiun verbon kun ĝia transitiveco.
Ne!

La grava afero estas, ke oni sciu, kion signifas la verbo.

Se oni serĉas en ReVo, oni ekscias, ke surprizi signifas "mirigi per sia neatenditeco" kaj "subite kaj neatendite alveni".

Estas jam el tio tute klare, ke oni diras tio surprizis min. Kaj el la signifo de la sufikso -ig estas tute klare, ke surprizigi signifas "kaŭzi, ke iu/io surprizu".

Jen vere la tuta afero - sen eĉ unu vorto pri "transitivo" - termino lingvoscienca nenecesa por ordinara lernanto.

Miland (Rodyti profilį) 2011 m. gegužė 20 d. 12:28:44

glig:Ehh, tiuj transitivaj kaj netransitivaj verboj lango.gif
Jen utilaj listoj de [url=http://www.kafejo.com/lingvoj/aŭlangs/eo/quirks/eovi.htm]transitivaj[/url] kaj [url=http://www.kafejo.com/lingvoj/aŭlangs/eo/quirks/eovi.htm]netransitivaj[/url] verboj.

Atgal į pradžią