Späť na obsah
Odpovedať

Ĉi tiam?

od cshtarkov, 11. januára 2012

Príspevky: 11

Jazyk: Esperanto

cshtarkov (Zobraziť profil) 11. januára 2012 19:13:50

Mi neniam vidis tian uzadon, sed se "ti-" difinas la vorton kiel montrovorton, "-am" montras ke temas pri tempo kaj "ĉi" montras proksimecon, ĉu oni ne povas uzi "ĉi tiam" kiel samsignifa vorto de "nun"?

darkweasel (Zobraziť profil) 11. januára 2012 19:15:34

Oni povas, sed oni ne tre ofte faras.

tommjames (Zobraziť profil) 11. januára 2012 19:20:54

Ankaŭ legindas komentoj en PMEG pri la afero:

PMEG:Ĉi tiam aŭ tiam ĉi ne estas praktike uzataj. Anstataŭe oni uzas nun.

Noto: La preciza nuanco de ĉi tiam estas malklara, ĉar ĝi apenaŭ estas uzata. Oni povus diskuti, ĉu ĉi tiam estas preferinda, kiam temas pri okazoj kaj kondiĉoj, dum nun ordinare estas tempa. Eble tempa ĉi tiam povas esti malpli forte ligita al la absoluta nuno ol nun, montrante tiun tempon, kiun la rakonto atingis.

flipe (Zobraziť profil) 11. januára 2012 22:22:05

Laŭ mi, legante ian uzante "ĉi tiam" mi certe komprenus kiel "proksimo por okazi" kaj "nun" kiel "okazante".

sudanglo (Zobraziť profil) 11. januára 2012 23:04:51

Ankaŭ mi neniam renkontas 'ĉi tiam' - aŭ mi kredas, ke ne.

Cerbumiga afero, bildigi la situacion en kiu estus nature diri tion.

Eble en sciencfikcia filmo pri tempovojaĝado.

Hyperboreus (Zobraziť profil) 11. januára 2012 23:24:44

Forigite

Chainy (Zobraziť profil) 12. januára 2012 1:22:14

Mi sensukcese serĉis alian vorton ("imbriki") en la Tekstaro, sed mi ja trovis ekzemplon de 'ĉi tiam':
Adiaŭ por ĉiam! Mi forflugas, — superkriis la valson Margarita. Ĉi tiam ŝi komprenis, ke la ĉemizon ŝi neniel bezonas, kaj, malice ridegante, ŝi ĵetis ĝin sur la kapon de Nikolao Ivaniĉ. Blindigite, li falis de la benko sur la pavimbrikojn de la vojeto.
(el "La majstro kaj Margarita", trad. Sergio Pokrovskij)

antoniomoya (Zobraziť profil) 12. januára 2012 6:42:33

Laŭ mi, estas bela deziro komplikiĝi la vivo…

Precipe ĉar la senco de tiu esprimo ne estas tuj evidenta nek komprenebla.

Amike.

sudanglo (Zobraziť profil) 12. januára 2012 12:07:13

Bona trovo, Chainy. Do temas pri du (au pluraj) tiamoj kaj ke oni priparolas la plej proksiman.

Angle, 'this time' aŭ 'on this occasion'

lgg (Zobraziť profil) 12. januára 2012 13:50:49

En mia opinio, 'nun' estas uzata en prezento, kaj 'chi tiam' en chiuj tempoj, kaj signifas nunan momenton en tempo de rakonto.

Nahor