Skip to the content
Reply

Esperanto en Google Translate: Nefidu !

by Epovikipedio, March 10, 2012

Messages: 11

Language: Esperanto

Epovikipedio (User's profile) March 10, 2012, 3:00:04 AM

Malgraŭ la bona novaĵo, la tradukoj el aliaj lingvoj al Esperanto estas sufiĉe fuŝaj laŭ mi eksperimentis.

Ekzemple ni tradukas el la angla "hi" al Esperanto, la rezulto estas "hi" (kaj devus esti "saluton") ! Se vi tradukas tekton en Google Translate, la rezulto estos katastrofaj.

Restas multe da laboro antaŭ ol havi bonan tradukon.

Hyperboreus (User's profile) March 10, 2012, 3:52:57 AM

Forigite

Vilius (User's profile) March 10, 2012, 4:01:34 AM

Tiuj problemoj rilatas ne nur al Google Translate, sed al maŝina tradukado ĝenerale. La ĉefa kaŭzo de tiuj problemoj estas, ke tradukado apartenas al AI-plenaj problemoj. En aliaj vortoj - antaŭ ol krei perfektan tradukilon, oni devas krei artefaritan intelekton kompareblan al homa intelekto, kaj tio bedaŭrinde ne eblas (almenaŭ nuntempe).
Ĝuste pri tio mi prelegos al taĝikaj sciencistoj post malpli ol 2 horoj (pri kio mi iomete zorgas) ridulo.gif

Epovikipedio (User's profile) March 10, 2012, 11:57:24 AM

Hyperboreus:Ĉu vere?
Jes.

sudanglo (User's profile) March 10, 2012, 5:13:41 PM

Evidente, Epo, vi ne prenis la tempon rigardi la alternativajn tradukojn. Mi klaklis sur 'Hi' en la traduko-kampo kaj vidis ke oni ja proponas 'saluton'.

Cetere, estas al vi (kaj al ĉiuj aliaj Esperantistoj) instrui la programon.

sudanglo (User's profile) March 10, 2012, 5:42:57 PM

Ankaŭ mi eksperimentis - jen la rezulto:

the translations into Esperanto from other languages are dreadful

la tradukoj en Esperanto el aliaj lingvoj estas terura

Do, du gramatikaj eraroj, sed, alklakante por vidi la alternativojn, mi trovis 'Esperanton' por 'Esperanto' kaj 'teruraj' por 'terura'

kaj nun ni rigardu vian originalan frazon:
la tradukoj el aliaj lingvoj al Esperanto estas sufiĉe fuŝaj laŭ mi eksperimentis.
Ankaŭ du gramatikaj eraroj!

Do poentoj - Homo: 2; Maŝino 2

Rogir (User's profile) March 11, 2012, 7:23:31 PM

sudanglo:
Do poentoj - Homo: 2; Maŝino 2
Via mesaĝo plibonigis mian tagon, dankon.

Hyperboreus (User's profile) March 12, 2012, 6:25:57 AM

Forigite

TELENA (User's profile) April 8, 2012, 10:19:15 AM

Hyperboreus:Ĉu vere?
JES, VERE!

cellus (User's profile) April 21, 2012, 10:47:45 AM

Mi testis tradukadon el esperanto kaj aliaj lingvoj en mian gepatran svedan, kaj miaopinie miaopinie la rezulto estas sufiĉe simila – la traduko en aŭ el esperanto ne estas pli bona aŭ malbona ol en aŭ el aliaj lingvoj. Ŝajnas ke la angla lingvo estas la fundo de la sistemo, kaj tial sveda vorto por "bona" (väl) povas tradukiĝi kiel "puto" en esperanto, ĉar la sistemo miksas ĝin kun la angla "well"!

Oni devas esti tre singasrda pri tradukoj de kurtal eldiraĵoj, ĉar kelkfoje la sistemo enmetas "ne" kiam ne estas ia negacio!

Ŝajnas ankaŭ ke la sistemo ne ĉiam trovas la esperantajn vortojn "eĉ` kaj "ol". Kial tio estas mi ankoraŭ ne ekkomprenis.

Back to the top