Al la enhavo
Respondi

Pri la sorto de ĥ-vortoj

de KoLonJaNo, 2009-marto-22

Mesaĝoj: 26

Lingvo: Esperanto

Cimerman (Montri la profilon) 2009-junio-24 13:35:35

Trarigardante rezultojn pri ĥ-vortoj mi vidas, ke preskaŭ ĉiuj komprenas bezonon de la litero ĥ. Tio ĝojigas min, ĉar mi estas ĉeĥo kaj ne emas esti ĉeko aŭ ĉeho.
Vivu la ĥ!

jchthys (Montri la profilon) 2009-junio-24 15:35:24

Mi opinias, ke se oni uzas ĥ, oni devus uzi ĝin ĉiam konsekvence: arĥivo, ĥemio, teĥnologio, monarĥo ktp.

szaby_1991 (Montri la profilon) 2009-junio-25 20:47:49

"Do, laŭ mi, ili estas pli internaciaj kaj kompreneblaj (ekzemple, la vorton "ĥoro" mi tuj komprenas sed signifon de "koruso" mi devus serĉi en vortaro)."

Eble la formo ĥoro por vi estas pli komprenebla, sed por mi ne. ridulo.gif En la hungara lingvo ĥoro(=koruso) = kórus. Do ni povus "diskutETi" kiu formo estas pli internacia. ridulo.gif

darkweasel (Montri la profilon) 2009-junio-27 12:24:17

Mi tuj komprenis nek "ĥoro" nek "koruso". La germana vorto estas "Chor" kaj elparoliĝas, depende de la dialekto, "ĥor" aŭ "kor", sed en la sudaj dialektoj (kiujn mi parolas) ĉiam "kor". La skribo simple estas tro malsama por tuja kompreno, do mi nek komprenis ĝin pro la angla vorto "chorus".

horsto (Montri la profilon) 2009-junio-27 16:32:17

darkweasel:Mi tuj komprenis nek "ĥoro" nek "koruso". La germana vorto estas "Chor" kaj elparoliĝas, depende de la dialekto, "ĥor" aŭ "kor", sed en la sudaj dialektoj (kiujn mi parolas) ĉiam "kor". La skribo simple estas tro malsama por tuja kompreno, do mi nek komprenis ĝin pro la angla vorto "chorus".
Vi forgesis mencii ke vi ne tuj komprenus la vorton "ĥoro" kiam vi nur aŭdus ĝin.
Ĉiu germano kompreneble tuj komprenas la vorton kiam li legas ĝin, ĉar la germana "ch" ja estas la Esperanta "ĥ".
Parenteze, kie oni prononcas "Chor" kiel "ĥor", mi neniam aŭdis tion en Germanujo, ĉu eble en Aŭstrujo?

yugary (Montri la profilon) 2009-julio-12 10:44:31

Oni jam anstataŭigis tro multe da ĥ-ojn per la litero k. Mi preferas "meĥaniko, teĥniko, arĥitekturo," kaj tiel plu. My eĉ preferus "psiĥologo, psiĥiatro," ktp, sed bedaŭrinde tiuj formoj ne troviĝas inter la oficialaj radikoj.

Reen al la supro