Skip to the content
Reply

Trafi el sub pluvo en riveron.

by novatago, June 21, 2015

Messages: 16

Language: Esperanto

novatago (User's profile) June 21, 2015, 9:45:14 PM

Ĉu via lingvo havas tiun esprimon? En la hispana tion oni diras “de perdidos al río” (el perdiĝintaj trafi en riveron). En Hispanio, ŝerce tion oni tradukas laŭvorte al la angla: “from lost, to the river”.

Nu, mi ŝatus koni alilingvajn versiojn de tiu esprimo.

Ĝis, Novatago.

Vinisus (User's profile) June 21, 2015, 10:42:32 PM

En la portugala de Brazilo oni diras: (Perdido no mato sem cachorro)perdita en la arbaro sen hundo.

robbkvasnak (User's profile) June 22, 2015, 2:08:34 AM

up the river without a paddle - en la riveron sen pagajo

robbkvasnak (User's profile) June 22, 2015, 2:08:41 AM

up the river without a paddle - en la riveron sen pagajo

Rujo (User's profile) June 22, 2015, 2:21:42 AM

Remi kontraŭe al la riverfluo (eo). Remar contra a correnteza (pt).

nornen (User's profile) June 22, 2015, 7:18:55 AM

En Gvatemalo eĉ ne hispanlingve oni konas tiun ĉi esprimon. Mi supozas, ke tio signifas ion similan al "de mal en peor".

novatago (User's profile) June 22, 2015, 7:59:22 AM

nornen:En Gvatemalo eĉ ne hispanlingve oni konas tiun ĉi esprimon. Mi supozas, ke tio signifas ion similan al "de mal en peor".
Jes, tio signifas “esti en malbona stato, kaj trafi eĉ pli malbonan okazaĵon”. Kvankam en la hispana fojfoje oni uzas tion kun la signifo “se mi estas ĉi tiel malbone, jam ne gravas esti pli malbone” kiam oni decidas ion iomete sensenca.

En Hispanio oni ankaŭ diras por la unua signifo “De Guatemala a Guatepeor” = “el ‘Gvatemalbone’ al ‘Gvateplimalbone’”. Nu en Esperanto la ŝerco perdiĝas.

Ĝis, Novatago.

Kirilo81 (User's profile) June 22, 2015, 8:59:12 AM

En la germana oni diras "vom Regen in die Traufe", laŭvorte "de la pluvo en la akvon, kiu defluas dum pluvo de la tegmentorando" (jes, en la germana efektive estas unu vorto por tio, sed ĝi aperas preskaŭ nur en tiu proverbo).

bryku (User's profile) June 22, 2015, 10:35:09 AM

Pole: "trafić z deszczu pod rynnę" = "trafi el pluvo sub la fluilon" ridulo.gif

dobri (User's profile) June 22, 2015, 2:47:24 PM

Ankaŭ la ĉeĥa proverbo estas simila: "přijít z deště pod okap" (iri el pluvo sub gutujon).

Back to the top